Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda—Chakusambira  |  July 2015

Thundu la Biriya ku Galile

Kumbi Muziŵa?

Kumbi Muziŵa?

Kumbi kali ku Yisraele kwenga vimiti vinandi nge mo Bayibolu likambiya?

BAYIBOLU likamba kuti malu nganyaki nga ku Yisraele ngenga ndi thundu kweniso vimiti ‘vinandi.’ (1 Ŵakar. 10:27; Yos. 17:15, 18) Kweni chifukwa chakuti mazuŵa nganu m’malu nganandi mulivi vimiti, ŵanthu anyaki akayikiya kuti ku Yisraele kwenga vimiti vinandi.

Vipasu va mkuyu

Buku linyaki likamba kuti “kali ku Yisraele kwenga vimiti vinandi kuluska sonu.” Mu vigaŵa vinandi va mapiri mwenga vimiti vinandi va payina, mkuyu, ndi vimiti vinyaki. M’chigaŵa cha Shefela mwenga so nkhuyu zinandi.

Buku linyaki so likamba kuti vimiti vikumala m’malu nganyaki ku Yisraele. Kumbi nchinthu wuli chikuchitiska? Buku ili likamba kuti ivi vinguchitika kamanakamana. Lititi: “Ŵanthu atema vimiti kuti akazengiyengi nyumba, akabikiyengi, asaniyi malu ngakulimapu ndi kuliskiyaku viŵetu.”