Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda—Chakusambira  |  June 2015

Kumbi Mukumbuka?

Kumbi Mukumbuka?

Kumbi mukuŵerenga magazini ngosi nga Chigongwi cha Alinda ngo ngatuwa pambula kuswera yapa? Asani ndi viyo, yesani kumuka mafumbu yanga:

Kumbi titenere kuromba kwaku Yesu?

Awa. Yesu wangutisambiza kuti tirombengi kwaku Yehova ndipu nayu warombanga kwa Awiski. (Mat. 6:6-9; Yoh. 11:41; 16:23) Mwakuyana waka, akusambira ŵaki akwamba arombanga kwaku iyu cha, kweni arombanga kwaku Chiuta. (Mac. 4:24, 30; Ŵakol. 1:3)03/1, peji 14.

Kumbi tinganozgeke wuli Chikumbusku cho chichitika chaka chechosi?

Titenere kuŵerenga Malemba ngosi ngo ngakhumbika kuŵerengeka pa nyengu ya Chikumbusku. Tingachita so umampha kusazgiyaku uteŵeti. Kweniso, titenere kuŵanaŵaniyapu ukongwa pa vo Chiuta watilayizga.1/15, peji 15-16.

Kumbi abali ndi azichi a ku Japan angulonde chawanangwa wuli?

Abali ndi azichi yaŵa angulonde buku la Mateyu lo likusindikizika so kutuwa ku Bayibolu la New World Translation. Yiwu agaŵiya buku ili mu uteŵeti ndipu ŵanthu anandi atiliyanja chinanga kuti Bayibolu atiliziŵa cha.2/15, peji 3.

Kumbi ndi vinthu nivi vo vinguwovya kuti uthenga wamampha uluti panthazi mu nyengu ya Akhristu akwamba?

Chimangu cha Aroma chinguwovya kuti Akhristu aleki kukumana ndi masuzgu nganandi. Akhristu akwamba ayendanga mumisewu yamampha. Ŵanthu anandi alongoronga Chigiriki. Ivi vawovyanga Akhristu kuti apharazgengi mwambula kusuzga chinanga nkhwa Ayuda. Kweniso, agwiriskiyanga ntchitu dangu la Aroma kuti avikiriyi uthenga wamampha.2/15, peji 20-23.

Nchifukwa wuli sonu mabuku ngidu ngakonkhoska kaŵikaŵi cha nkhani za m’Bayibolu zo zimiya vinthu vinyaki?

Bayibolu likamba kuti ŵanthu anyaki amiyanga chinthu chinyaki. Chakuwoniyapu chimoza chisanirika pa Ŵagalatia 4:21-31. Mwaviyo, titenere cha kuŵanaŵana kuti chechosi cho chinguchitikiya munthu munyaki m’Bayibolu chimiya vinthu vinyaki. Kweni tingasambirapu fundu zinyaki ku ŵanthu ndi vakuchitika vo visanirika m’Bayibolu. (Ŵar. 15:4)3/15, peji 17-18.

Nchifukwa wuli kusezga munthu wambula kulapa kutovya ukongwa?

Bayibolu le ndi fundu zo munthu yo wasezgeka wangalondo ndipu ivi vingamuwovya kuti wayanduwi. (1 Ŵakor. 5:11-13) Kusezga munthu wakubuda kutumbika zina laku Chiuta, kuvikiriya mpingu kuti uje wakutowa ndipuso kutovya yo wabuda kuti waje so pa ubwezi ndi Yehova.4/15, peji 29-30.