Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda—Chakusambira  |  April 2015

Kumbi Chimiti cho Chatemeka Chingame so?

Kumbi Chimiti cho Chatemeka Chingame so?

CHIMITI cha maolivi chipambana ukongwa ndi chimiti chikulu cha ku Lebanon chifukwa chija chakugombeteke kweniso chakunyongorokanyongoroka chifukwa chakuti nchakali ukongwa. Ndipu kanandi chiwoneka kuti nchiheni. Vimiti va maolivi vitufwa bweka cha ndipu vinyaki vija vyaka pafupifupi 1,000. Chinanga kuti chingaja chipandu pe, misisi yaki yithaza ukongwa ndipu yichitiska kuti chiyambi so kubuka. Asani misisi yaki yeche yamoyu, chibuka so.

Jobu wangusimikizga kuti chinanga wangafwa wazamuja so ndi umoyu. (Jobu 14:13-15) Iyu watenere kuti wangugwiriskiya nchitu chimiti cha maolivi pakukonkhoska chigomezgu chaki kuti Chiuta wazakumuyuska. Ndipu wangukamba kuti: “Chilipu chigomezgu cha chimiti, kuti chinanga chatemeke pasi chikabukanga so.” Chinanga kuti kungaja chilala kwa nyengu yitali, kweni asani vuwa yawapu, misisi ya chipandu chakumila cha maolivi yingayamba so kubuka ndi kume “mphanda nge ndi muti uteta.”—Jobu 14:7-9.

Nge mo mlimi wakhumbiya kuti chimiti cha maolivi cho chatemeke pasi chibuki so, Yehova Chiuta nayu wakhumbisiska kuziyuska ateŵeti ŵaki ndi ŵanthu anyaki wosi wo akufwa. (Mat. 22:31, 32; Yoh. 5:28, 29; Mac. 24:15) Kukamba uneneska, vazamuja vakukondwesa ukongwa kuzilonde abali ŵidu wo akufwa ndi kuwona kuti akondwa ndi umoyu m’charu chifya!