Julani

Lutani pa vo ve mukati

 VO VINGATIWOVYA KUTI TIKONDWENGI

Vo Vingatiwovya

Vo Vingatiwovya

KUMBI MUWONA KUTI MUKONDWA? Asani ndi viyo, ntchinthu wuli cho chitikuchitiskani kuti mukondwengi? Kumbi ndi banja, ntchitu yo mugwira pamwenga vo mugomezga ku chisopa chinu? Panyaki mukondwa chifukwa chakuti mulindizga chinthu chinyaki, nge kumaliza sukulu, kusaniya ntchitu yamampha pamwenga kugula galimotu.

Ŵanthu anandi awona kuti akondwa asani achita chinthu chinyaki cho akhumbanga pamwenga asani asaniya cho apenjanga. Kweni kumbi likondwa lenili lija kwa nyengu yitali? Kanandi lija la kanyengu kamanavi ndipu ivi vingaja vakuguŵiska.

Mazu ngakuti likondwa, ngang’anamuwa kuvwa umampha mu mtima kwa nyengu yitali. Kuvwa umampha kwenuku kuchitiska munthu kuja wakukhorwa ndi wakukondwa ndipu mwakawi wakhumba kuti kungamalanga cha.

Munthu wakondwa chifukwa cha vo wasaniya cha, kweni mo wachitiya vinthu pa umoyu waki. Asani munthu wangakamba kuti, “Ndazamukondwa asani . . . ” ndikuti wakhumba kuzikondwa kunthazi, sonu cha.

Likondwa tingaliyeruzgiya ndi umoyu wambula kutamatama. Kumbi tichita wuli kuti tije ndi umoyu waviyo? Titesesa kurya chakurya chamampha, kuchita masaza ndipuso vinthu vinyaki. Ndimu so viliri ndi likondwa. Kuti tikondwengi, tikhumbika kuchita vinthu vamampha, mwakukoliyana ndi fundu za mu Bayibolu.

Kumbi ndi fundu nizi zo zingatiwovya kuti tikondwengi? Chinanga kuti fundu zinyaki zakovya ukongwa kuluska zinyaki, kweni fundu zo ze mumphata umu zakovya ukongwa:

  • KUKHORWA NDIPUSO KUPASKA

  • UMOYU WAMBULA KUTAMATAMA NDI KUKUNTHIYAPU

  • CHANJU

  • KUGOWOKA

  • CHILATU CHA UMOYU

  • CHILINDIZGA

Bayibolu likamba kuti: ‘Mbakukondwa wo alivi kafukwa mu nthowa yawu.’ (Sumu 119:1) Sonu tiyeni tikambisani nthowa yeniyi.