Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda  |  Na. 6 2017

 NKHANI YA PACHIKONKHOMBI | KUMBI MPHASU YAMAMPHA UKONGWA KUPHARA ZOSI NDI NIYI?

“Yenga Mphasu Yamampha Ukongwa Kuphara zo Ndikulondiyapu”

“Yenga Mphasu Yamampha Ukongwa Kuphara zo Ndikulondiyapu”

Venivi ndivu msungwana munyaki wa vyaka 13 wangukamba wati wapaskika kagalu nge mphasu. Munthukazi munyaki wa bizinesi wangukamba kuti kompyuta yo awisi angumupaska pa nyengu yo wenga ku sekondale, yenga mphasu yamampha ukongwa kwaku iyu. Munthurumi munyaki wangukamba kuti kadi lakupanga pamanja lo muwolu waki wangumupaska ŵati akwanisa chaka munthengwa, yenga mphasu yakuzirwa ukongwa yo wenga wechendalondiyepu.

Chaka chechosi, ŵanthu anandi atesesa kuti asaniyi mphasu “yamampha ukongwa” yo angapaska munyawu pamwenga wachibali asani we ndi chakuchitika chinyaki. Ndipu ŵanthu anandi akhumbisisa kuti munthu yo amupaska mphasu wakondwi nge mo ŵanthu wo akambika kukwamba kwa nkhani iyi angukondwe. Nanga imwi? Kumbi mungayanja kupereka pamwenga kulonde mphasu yo mungakondwa nayu ukongwa?

Venivi vingaŵa vakukondwesa chifukwa yo walonde kweniso yo wapereka mphasu wosi akondwa. Bayibolu likamba kuti: “Kupaska kuchitiska kuti munthu wakondwengi ukongwa kuluska kulonde.” (Machitidu 20:35) Asani munthu yo walonde wawona kuti mphasu yo wapaskika njakuzirwa ukongwa, yo wapereka nayu wakondwa so ukongwa.

Kumbi mungachita wuli kuti imwi kweniso munthu yo mwamupaska mphasu mukondwengi? Asani vingachitika cha kupereka mphasu “yamampha ukongwa,” kumbi mungachita wuli kuti anyinu awongengi mphasu yo mwaŵapaska?