Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda  |  Na. 5 2017

Vidya vosi va nkhondu vazamuphwanyika

Kumbi Bayibolu Likambanji?

Kumbi Bayibolu Likambanji?

Kumbi vingachitika kuti pacharu paje chimangu?

Kumbi mungamuka kuti

  • Hinya?

  • Awa?

  • Panyaki?

Vo Bayibolu likamba

Mu muwusu waku Yesu Khristu “kwazamuja chimangu chikulu, mpaka mwezi wazamumala,” pamwenga kuti mpaka muyaya.—Sumu 72:7.

Fundu zinyaki zo tisambira m’Bayibolu

  • Ŵanthu aheni azamutuzgikapu pacharu chapasi ndipu ŵanthu amampha “azamukondwa ndi chimangu chikulu.”—Sumu 37:10, 11.

  • Chiuta wazamumalisa nkhondu zosi.—Sumu 46:8, 9.

Kumbi mazuŵa nganu vingachitika nadi kuja ndi chimangu mumtima?

Ŵanthu anyaki agomezga . . . kuti vingachitika cha kuja ndi chimangu cha mumtima chifukwa pacharu chapasi pazaza masuzgu ndipuso vinthu vambula urunji. Kumbi imwi muŵanaŵana wuli?

Vo Bayibolu likamba

Chinanga ndi sonu, ŵanthu wo ŵe pa ubwezi ndi Chiuta angaja ndi “chimangu chaku Chiuta cho chiluska kuziŵa vinthu kosi.”—Ŵafilipi 4:6, 7.

Fundu zinyaki zo tisambira m’Bayibolu

  • Chiuta walayizga kuti watuzgengepu masuzgu kweniso vinthu vambula urunji, ndipu ‘wapanga vinthu vosi kuja vifya.’—Chivumbuzi 21:4, 5.

  • Tingaja ndi chimangu cha mumtima asani titesesa kuchita vo vingatiwovya kuja pa ubwezi ndi Chiuta.—Mateyu 5:3.