Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda  |  Na. 4 2017

Ŵanthu a matchalitchi ngakupambanapambana agomezga kuti umoyu wa munthu utufwa cha

 NKHANI YAPACHIKONKHOMBI | KUMBI BAYIBOLU LIKAMBANJI PA NKHANI YA UMOYU NDI NYIFWA?

Fumbu lo Lisuzga Ŵanthu Anandi

Fumbu lo Lisuzga Ŵanthu Anandi

ŴANTHU akamba vinthu vakupambanapambana pa nkhani ya umoyu ndi nyifwa. Anyaki agomezga kuti asani munthu wafwa, walutiriza kuja ndi umoyu kumalu nganyaki pamwenga wasambuka chinthu chinyaki. Penipo anyaki agomezga kuti asani munthu wafwa wabalika so kuti waje munthu munyaki. Kweni anyaki agomezga kuti nyifwa mbumaliru wa vinthu vosi.

Chifukwa cha mo mukulereke pamwenga ko mukukuliya, akhumba namwi vilipu vo mugomezga pankhani iyi. Pakuti ŵanthu agomezga vinthu vakupambanapambana pa nkhani ya vo vichitika asani munthu wafwa, kumbi walipu yo wangamuka mwauneneska fumbu lakusuzga lenili?

Kwa vyaka vinandi, alongozgi a matchalitchi asambiza kuti pe chinthu chinyaki cho chilutiriza kuja ndi umoyu asani munthu wafwa. Akhristu anandi, Ahindu, Ayuda, Asilamu kweniso ŵanthu a matchalitchi nganandi, agomezga kuti munthu we ndi mzimu wo utufwa cha. Yiwu agomezga so kuti asani munthu wafwa, mzimu wenuwu ulutiriza kuja ndi umoyu kumalu nganyaki. Abuda agomezga kuti asani munthu wafwa, wabalika so maulendu nganandi mpaka po mzimu waki ufikiyengi ku umoyu wakukondwesa ukongwa wo atiwudana kuti Nirvana.

Chifukwa cha visambizu venivi, ŵanthu anandi pacharu chapasi agomezga kuti nyifwa ndi mtanthu wo ulongozge ŵanthu ku umoyu unyaki. Ndipu akamba kuti ndi khumbu laku Chiuta kuti ŵanthu afwengi. Kumbi Bayibolu likambanji pa nkhani yeniyi? Ŵerengani nkhani yakulondopu kuti muziŵi vo Bayibolu likamba.