Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda—Chakusambira  |  January 2017

Kumbi Muziŵa?

Kumbi Muziŵa?

Kumbi munyengu yakali motu awupinganga wuli kuluta nawu kunyaki?

NKHANI yo yisanirika m’Bayibolu pa Chiyambo 22:6, yikamba vo Abrahamu wanguchita pakunozgeke ulendu wakuti wakawotchi sembi kudera lakutali. Iyu “wanguto nkhuni zakuti wakawotche sembi ndipu wangupingiza mwana waki Yisaki. Pavuli paki, wangupinga motu kujanja ndi chimayi ndipu wosi ŵaŵi angwamba ulendu wawu.”

M’Malemba akonkhosamu cha nthowa yo kali agwirisiyanga ntchitu pakupemba motu. Pakukamba za fumbu la munkhani iyi, wakulemba nkhani munyaki wagomeza kuti kwatingi ‘kuŵengi kwakusuzga kuti Abrahamu ndi Yisaki ayendi ndi motu wakulipuka pa ulendu utali wo ŵenga nawu.’ Mwaviyo, panyaki angupinga chipangizu chakupembe motu.

Chinanga kuti ve viyo, anyaki akamba kuti munyengu yakali kwenga kwakusuzga kupemba motu. Ŵanthu awonanga kuti kwenga kwambula kusuzga kupala motu kwa anyawu m’malu mwakupemba ŵija. Mwaviyo, ŵanthu anyaki akufufuza vinthu agomeza kuti Abrahamu wangupinga kachiŵiya ko kenga ndi chingwi ndipu wanguŵikamu malasha ngamotu pamwenga maka ngo wangupala pa motu wo awothanga usiku. (Yes. 30:14) Asani ŵanthu ŵe paulendu ndipu apinga maka ngamotu mu nthowa yeniyi, asuzgikanga cha kupemba motu munthowa nyengu yeyosi yo akhumba ndipu apembiyanga swanju.