Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda  |  Na. 1 2016

Kumbi Bayibolu Likambanji?

Kumbi Bayibolu Likambanji?

Kumbi nchinthu wuli chichitika asani munthu wafwa?

ŴANTHU ANYAKI AGOMEZGA KUTI asani munthu wafwa walutilizga kuja ndi umoyu kumalu nganyaki. Anyaki agomeza kuti asani munthu wafwa vosi vimaliya penipo. Kumbi imwi mugomezanji?

VO BAYIBOLU LIKAMBA

“Akufwa aziŵa kanthu cha.” (Wakutaula 9:5) Asani munthu wafwa waja so ndi umoyu cha.

FUNDU YINYAKI YO TISAMBIRA M’BAYIBOLU

  • Munthu wakwamba Adamu wati wafwa wanguwere kudongu. (Chiyambo 2:7; 3:19) Mwakuyana waka, asani munthu weyosi wafwa wawere kudongu.—Wakutaula 3:19, 20.

  • Ŵanthu wo ŵafwa afwatuka ku maubudi ngawu. (Ŵaroma 6:7) Mwaviyo, asani munthu wafwa, waluta kumalu nganyaki cha kuti wakalangiki.

Kumbi akufwa angaja so ndi umoyu?

KUMBI MUNGAMUKA WULI?

  • Hinya

  • Awa

  • Panyaki

VO BAYIBOLU LIKAMBA

“Kwazamuja chiyuka.”—Machitidu 24:15.

FUNDU YINYAKI YO TISAMBIRA M’BAYIBOLU

  • Bayibolu liyeruzgiya nyifwa ndi tulu. (Yohane 11:11-14) Chiuta wangayuska ŵanthu akufwa nge mo namwi mungayuskiya munthu yo wagona.—Jobu 14:13-15.

  • Bayibolu likamba za ŵanthu anandi wo anguyuskika. Venivi vititiwovya kugomezga kuti ŵanthu akufwa azamuyuskika nadi.—1 Ŵakaronga 17:17-24; Luka 7:11-17; Yohane 11:39-44.

 

Ziŵani Vinandi

Kumbi Bayibolo Lisambizanji Weniukongwa?

Kumbi Akufwa ŵe Pani?

Ziŵani vo Bayibolu likamba pa nkhani yakuti akufwa ŵepani ndipuso nchifukwa wuli taŵanthu titufwa.