Julani

Lutani pa menyu yachiŵi

Akaboni aku Yehova

Chitonga (Malawi)

Kumbi Ndiyani yo Wawusa Charu?

Kumbi Ndiyani yo Wawusa Charu?

Kumbi muŵanaŵana kuti ndi . . .

  • Chiuta?

  • ŵanthu?

  • Satana?

 VO BAYIBOLO LIKAMBA

“Charu chosi chigona mu nthazi ya Mheni yo.”—1 Yohane 5:19.

“Mwana waku Chiuta wanguza . . . kuti wazinangi nchitu zaku diabolo.”—1 Yoh. 3:8, New Century Version.

KUMBI BAYIBOLO LINGAKUWOVYANI WULI?

Bayibolo likonkhoska umampha cho chichitiska masuzgu pacharu chapasi.—Chivumbuzi 12:12.

Te ndi chifukwa chakugomezge kuti vakuchitika vacharu ichi vijengi umampha.—1 Yohane 2:17.

 KUMBI TITENERE KUGOMEZGA NADI VO BAYIBOLO LIKAMBA?

Pe vifukwa vitatu vo titenere kuchitiya viyo:

  • Muwusu waku Satana umalengi. Yehova watitisimikizgiya kuti watuzgengepu muwusu waku Satana. Iyu walayizga kuti “wanangengi Diabolo,” kusazgapu masuzgu ngosi ngo iyu wachitiska.—Ŵahebere 2:14, New World Translation.

  • Chiuta wakusankha Yesu Khristu kuti ndiyu wawusi charu. Yesu wapambana kutali ndi Satana yo wawusa ŵanthu mwankhaza kweniso mwambunu. Pakukamba za ufumu waku Yesu, Chiuta walayizga kuti: “Wafwiya lisungu wakutomboroka ndi mukavu . . . Watiŵawombo ku kukandirizgika ndi ku mahomwa.”—Sumu 72:13, 14.

  • Chiuta wapusika cha. Bayibolo likamba mwakuvwika umampha kuti: ‘Nkhwambula machitika kuti Chiuta wapusiki.’ (Ŵahebere 6:18) Asani Yehova walayizga kuti wachitengi chinthu chinyaki, vija nge kuti wachita kali! (Yesaya 55:10, 11) “Sonu wakaponyekanga kubwalu muwusi wa charu ichi.”—Yohane 12:31.

 VO MUTENERE KUJIFUMBA

Kumbi charu chazamuja wuli asani Satana wazituzgikapu?

Bayibolo limuka fumbu ili pa SUMU 37:10, 11 ndipuso CHIVUMBUZI 21:3, 4.

Ziŵani Vinandi

UTHENGA WAMAMPHA WAKUTULIYA KWAKU CHIUTA

Khumbu Laku Chiuta la Charu Chapasi

Bayibolu likonkhoska chifukwa cho Chiuta wakulenge charu chapasi, nyengu yo masuzgu ngazamumaliya ndipuso vinthu vo vazamuchitikiya ŵanthu wo azamuja pacharu chapasi munthazi.