Julani

Kumbi Ndiyani yo Walamuliya Charu?

Kumbi Ndiyani yo Walamuliya Charu?

Kumbi muwona kuti ndi . . .

  • Chiuta?

  • ŵanthu?

  • munthu munyaki?

 VO BAYIBOLU LIKAMBA

“Charu chosi che mu nthazi ya muheni yo.”—1 Yohane 5:19.

“Mwana waku Chiuta wanguwoneke kuti wanangi ntchitu zaku Dyaboli.”—1 Yohane 3:8, New World Translation.

KUMBI VENIVI VING’ANAMUWANJI KWAKU YIMWI?

Muziŵengi cho chichitiska masuzgu pacharu chapasi.—Chivumbuzi 12:12.

Mujengi ndi chigomezgu chakuti vinthu viŵengi umampha pacharu chapasi.—1 Yohane 2:17.

 KUMBI TITENERE KUGOMEZGA VO BAYIBOLU LIKAMBA?

Hinya. Pe vifukwa vitatu vo titenere kuchitiya viyo:

  • Ulamuliru waku Satana umalengi. Yehova ngwakukhumbisiska kutuzgapu ulamuliru waku Satana. Iyu wakulayizga kuti ‘wanangengi Dyaboli’ ndi kunozga vinthu vosi vo wananga.—Aheberi 2:14, New World Translation.

  • Chiuta wakusankha Yesu Khristu kuti ndiyu walamuliyi charu. Yesu wapambana ukongwa ndi Satana yo walamuliya ŵanthu mwankhaza kweniso mwambunu. Pakukamba za ulamuliru waku Yesu, Chiuta wakulayizga kuti: “Wazamuchitiya chitima ŵanthu akusika ndi akavu . . . Wazakuŵataska ku ŵanthu ankhaza kweniso achiwawa.”—Sumu 72:13, 14.

  • Chiuta wapusika cha. Bayibolu likamba mwakuvwika umampha kuti: “Chiuta wangapusika cha.” (Aheberi 6:18) Asani Yehova walayizga kuti wachitengi chinthu chinyaki, vija nge kuti wachita kali! (Yesaya 55:10, 11) “Wakuwusa wa charu ichi waponyekengi kubwalu.”—Yohane 12:31.

ŴANAŴANIYANI FUNDU IYI

Kumbi vinthu vazamuja wuli pacharu chapasi asani Satana wazituzgikapu?

Bayibolu limuka fumbu ili pa SUMU 37:10, 11 ndi pa CHIVUMBUZI 21:3, 4.