Yesu wakufwa kuti tije ndi umoyu. Yohane 3:16

Pati pajumpha mazuŵa ngatatu Yesu wati wafwa, anthukazi anyaki anguluta ku muwunda waki ndipu anguchisaniya kuti muwunda ngwamwazi. Yehova wanguyuska Yesu ku akufwa.

Pavuli paki Yesu wanguwoneke kwa akutumika ŵaki.

Yehova wanguyuska Yesu nge mungelu ndipu wangumupaska umoyu wambula kufwa. Akusambira aku Yesu angumuwona wachikwera kuchanya.

 Chiuta wakuyuska Yesu ndipu wakumuŵika kuti waje Fumu ya Ufumu waki. Danyele 7:13, 14

Yesu wangupereka umoyu waki sembi kuti wawombo mtundu wa ŵanthu. (Mateyu 20:28) Chifukwa cha sembi yeniyi, Chiuta wakupangisa kuti tikasaniyi umoyu wambula kumala.

Yehova wakusankha Yesu nge Fumu kuti wawusi charu chapasi. Iyu wawusiyengi pamoza ndi ŵanthu akugomezgeka 144,000 wo ayuskika ndi kuluta kuchanya. Yesu pamoza ndi ŵanthu 144,000 apanga boma la urunji lakuchanya la Ufumu waku Chiuta.—Chivumbuzi 14:1-3.

Ufumu waku Chiuta wazamuchitisa kuti charu chapasi chizije paradayisu. Kwazamuŵavi nkhondu, kubayana, ukavu ndi nja. Ŵanthu azamuja nadi mwakukondwa.—Sumu 145:16.