Julani

Lutani pa vo ve mukati

 CHIGAŴA 13

Kumbi Titenere Kuchitanji Kuti Tikondwesi Chiuta?

Kumbi Titenere Kuchitanji Kuti Tikondwesi Chiuta?

Lekani kuchita vinthu viheni. 1 Ŵakorinte 6:9, 10

Asani titanja Yehova, tichitengi cha vinthu vo iyu watinkhana navu.

Yehova wakhumba cha kuti tibengi, timwengi moŵa mwa uloŵevu pamwenga kumwa munkhwala wakutimbanyizga wongu.

Chiuta watinkhana ndi ŵanthu wo abaya anyawu, wo atuzga nthumbu ndipuso kuti anthurumi pamwenga anthukazi agonanengi ŵijaŵija. Iyu wakhumba cha kuti tijengi askoli pamwenga tichitengi ndewu ndi anyidu.

Titenere cha kusopa angoza pamwenga kuchita vinthu va mizimu.

M’charu chapasi cha Paradayisu cho chituza, ŵanthu wo achita vinthu viheni azamujamu cha.

 Muchitengi vinthu vamampha. Mateyu 7:12

Kuti Chiuta watiyanjengi, titenere kuyesesa kuja nge yiyu.

Asani ndisi akupaska ndipuso tichitiya anyidu lisungu, tilongongi kuti titiŵayanja.

Titenere kuchita vinthu mwauneneska.

Tijengi alisungu ndipuso akugowoke.

Tikambiyengi ŵanthu vakukwaskana ndi Yehova ndipuso nthowa zaki.—Yesaya 43:10.