Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Uthenga Wamampha Wakutuliya Kwaku Chiuta

 Sambiru 11

Kumbi Marangu Ngaku Chiuta Ngatitiwovya Wuli?

Kumbi Marangu Ngaku Chiuta Ngatitiwovya Wuli?

Kumbi fundu za m’Bayibolu zingatiwovya wuli kuti tileki kuchita vinthu vo vingawika umoyu widu pangozi?SUMU 36:9.

1. Nchifukwa wuli taŵanthu tikhumbika kurunguchizgika?

Mulengi widu ngwazeru kuruska isi. Iyu watitiŵanaŵaniya ukongwa chifukwa Mbawiskefwi achanju. Kweniso wakutilenga kuti tijimiyengi pakutija cha. (Yeremiya 10:23) Nge mwana yo wakhumbika kurunguchizgika ndi apapi ŵaki, isi tosi tikhumbika kurunguchizgika ndi Chiuta. (Yesaya 48:17, 18) Marangu ngo ngasanirika m’Bayibolo ngatitirunguchizga ndipu ichi nchawanangwa chakutuwa kwaku Chiuta.Ŵerengani 2 Timote 3:16.

Marangu ngaku Yehova ngatitisambiza vinthu vo tingachita kuti tije ndi umoyu wamampha pasonu panu ndipuso kuti tizisaniyi umoyu wambula kumala kunthazi. Asani Chiuta watitilunguchizga, titenere kukondwa ukongwa chifukwa chakuti iyu ndiyu wakutilenga.Ŵerengani Sumu 19:7, 11; Chivumbuzi 4:11.

2. Kumbi mazu ngaku Chiuta ngatitirunguchizga wuli?

Fundu zinyaki za m’Bayibolo zititilongo vo Chiuta wakhumba kuti tichitengi nyengu zinandi. Marangu nganyaki ngagwira nchitu pa vakuchitika vinyaki vapade. (Marangu 22:8) Titenere kugwiriskiya nchitu lusu lidu lakuziŵa vinthu kuti tivwisi umampha mo fundu yinyaki ya m’Bayibolo yititikambiya vo titenere kuchita. (Nthanthi 2:10-12) Mwakuyeruzgiyapu, Bayibolo lititisambiza kuti umoyu nchawanangwa chakutuwa kwaku Chiuta. Fundu yauneneska iyi yikhoza kutiwovya asani te kunchitu, panyumba ndipuso asani titenda.Ŵerengani Machitidu 17:28.

3. Kumbi marangu ngaŵi ngakwamba ndi nanga?

Yesu wangukamba za marangu ngaŵi ngakuzirwa ukongwa. Dangu lakwamba lilongo kuti chilatu cha umoyu wa ŵanthu nkhuvwiya Chiuta, kumwanja ndi kumuteŵete mwakugomezgeka. Nyengu zosi  titenere kukumbuka dangu ili asani tikhumba kusankha vakuchita. (Nthanthi 3:6) Ŵanthu wo alondo dangu ili pa umoyu wawu aja pa ubwezi ndi Chiuta, aja ndi likondwa lenechu kweniso azamulonde umoyu wamuyaya.Ŵerengani Mateyu 22:36-38.

Dangu lachiŵi lingatiwovya kuti tije pa ubwezi wamampha ukongwa ndi anyidu. (1 Ŵakorinte 13:4-7) Kuti munthu wagwiriskiyi nchitu dangu ili watenere kuyezga mo Chiuta wachitiya ndi ŵanthu.Ŵerengani Mateyu 7:12; 22:39, 40.

4. Kumbi marangu ngaku Chiuta ngatitiwovya wuli?

Marangu ngaku Chiuta ngasambiza mabanja mo chanju chingaŵawovye kuti ajengi mwakukoliyana. (Ŵakolose 3:12-14) Mazu ngaku Chiuta ngavikiriya so mabanja mwakungasambiza fundu yauneneska yakuti ŵanthu akutorana atenere kujaliya limoza kwa umoyu wawu wosi.Ŵerengani Chiyambo 2:24.

Kulondo fundu za m’Bayibolo kungativikiriya ukongwa pa umoyu widu. Mwakuyeruzgiyapu, mabwana nganandi ngatanja kulemba nchitu ŵanthu wo agwiriskiya nchitu fundu za m’Bayibolo pa umoyu wawu. Fundu izi zisazgapu kuchita vinthu mwauneneska ndipuso kugwira nchitu mwaphamphu. (Nthanthi 10:4, 26; Ŵahebere 13:18) Mazu ngaku Chiuta ngatitisambiza so kuti tikhorwengi ndi vinthu vakukhumbika vo te navu ndi kuwona kuti ubwezi widu ndi Chiuta ndiwu wakuzirwa ukongwa kuruska katundu.Ŵerengani Mateyu 6:24, 25, 33; 1 Timote 6:8-10.

Kugwiriskiya nchitu marangu ngaku Chiuta kungavikiriya so umoyu widu. (Nthanthi 14:30; 22:24, 25) Mwakuyeruzgiyapu, kuvwiya dangu laku Chiuta pa nkhani yakuroŵe kungativikiriya ku matenda ngakofya kweniso ngozi. (Nthanthi 23:20) Yehova watitikanizga cha kumwa moŵa kweni wakamba kuti tingamwanga mwakujumpha mwesu cha. (Sumu 104:15; 1 Ŵakorinte 6:10) Marangu ngaku Chiuta ngatitiwovya mwakutisambiza kuti titcheŵengi ndi vo tichita kweniso vo tiŵanaŵana. (Sumu 119:97-100) Kweni Akhristu auneneska avwiya marangu ngaku Chiuta ndi chilatu chakuti ngaŵawovyi ŵaka pe cha. Yiwu achita ivi kuti atumbiki Yehova.Ŵerengani Mateyu 5:14-16.

 

Ziŵani Vinandi

Kumbi Bayibolo Lisambizanji Weniukongwa?

Kuja ndi Umoyu Wakukondweska Chiuta

Tingamukondwesa Yehova. Ndipu mungaja nayu pa ubwezi.

Kumbi Bayibolo Lisambizanji Weniukongwa?

Wonani Umoyu Nge mo Chiuta Watiwuwone

Kumbi Chiuta watiyiwona wuli nkhani yakutuzga ndopa, kuŵikika ndopa ndipuso umoyu wa nyama?

PEMPHANI SAMBIRU LA BAYIBOLU

Pemphani Kuti Munthu Wasambirengi Namwi Bayibolu

Pemphani kuti munthu wasambirengi namwi Bayibolu kwawezi pa malu ndi nyengu yo mungayanja.