Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Uthenga Wamampha Wakutuliya Kwaku Chiuta

 Sambiru 1

Kumbi Uthenga Wamampha ndi Nuwu?

Kumbi Uthenga Wamampha ndi Nuwu?

1. Kumbi uthenga wakutuliya kwaku Chiuta ngwakuti wuli?

Chiuta wakhumba kuti ŵanthu akondwengi ndi umoyu pacharu chapasi. Iyu wakulenga charu ndi vosi vo ve mwenimo chifukwa chakuti watanja mtundu wa ŵanthu. Pambula kuswera yapa, wachitengepu kanthu kuti mu vyaru vosi ŵanthu aje ndi umoyu wamampha. Wazamuchitiska kuti ŵanthu apumuwi ku vinthu vo vitambiska masuzgu.Ŵerengani Yeremiya 29:11.

Palivi boma lo lafiska kutuzgapu viwawa, matenda pamwenga nyifwa. Kweni uthenga wamampha ngwakuti, kwaja kanyengu kamanavi ŵaka ndipu Chiuta wajalikiskengi boma laki lo lazamusere m’malu mwa maboma ngosi nga ŵanthu. Ŵanthu wo azamuwusika ndi boma ili azamuja mwachimangu kweniso ndi umoyu wambula matenda.Ŵerengani Yesaya 25:8; 33:24; Danyele 2:44.

2. Kumbi nchifukwa wuli uthenga wamampha ngwakukhumbika ukongwa mazuŵa nganu?

Masuzgu ngazamumala asani Chiuta wazituzgapu ŵanthu aheni pacharu. (Zefaniya 2:3) Kumbi ivi vazamuchitika zuŵanji? Mazu ngaku Chiuta ngakukambiya limu vakukwaskana ndi vinthu vo vitofya ŵanthu mazuŵa nganu. Vinthu vo vichitika pacharu vilongole limu kuti Chiuta wepafupi kuchitapu kanthu.Ŵerengani 2 Timote 3:1-5.

3. Kumbi isi titenere kuchitanji?

Titenere kusambira vakukwaskana ndi Chiuta mu Mazu ngaki, Bayibolo. Liyanana ŵaka ndi kalata yakutuwa kwa awuskefwi achanju. Lititikambiya vo tingachita kuti tije ndi umoyu wamampha sonu, kweniso mo tingazijaliya ndi umoyu wambula kumala pacharu chapasi. Chakuti muziŵi nchakuti ŵanthu anyaki akondwengi cha kuti musambira mo mungalivwisisiya Bayibolo. Kweni tingazomerezganga cha kuti anyaki atigongoweski mpaka kuleka kusambira malayizgu ngaku Chiuta.Ŵerengani Nthanthi 29:25; Chivumbuzi 14:6, 7.