Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Uthenga Wamampha Wakutuliya Kwaku Chiuta

 Sambiru 7

Kumbi Ufumu Waku Chiuta Nchinthu Wuli?

Kumbi Ufumu Waku Chiuta Nchinthu Wuli?

Kumbi nchinthu wuli cho chichitiska kuti Yesu waje Fumu yamampha ukongwa?—MARKO 1:40-42.

1. Kumbi Ufumu Waku Chiuta Nchinthu Wuli?

Ufumu waku Chiuta ndi boma lakuchanya. Ndiwu wazamusere m’malu mwa maboma nganyaki ngosi ndipu Chiuta wazakuwugwiriskiya nchitu pakufiska khumbu laki kuchanya ndi pacharu chapasi. Uthenga wakukwaskana ndi Ufumu waku Chiuta ngwamampha ukongwa. Pambula kuswera yapa, Ufumu waku Chiuta wazamuchitiska kuti khumbu la ŵanthu lakuja ndi boma lamampha lifiskiki. Wazamuchitiska kuti ŵanthu wosi azije mwakukoliyana pacharu chapasi.Ŵerengani Danyele 2:44; Mateyu 6:9, 10; 24:14.

Ufumu utenere kuja ndi fumu yaki. Yehova wakusankha Mwana waki Yesu Khristu kuti waje Fumu ya Ufumu Waki.Ŵerengani Chivumbuzi 11:15.

2. Kumbi Yesu ndi Fumu yamampha ukongwa chifukwa wuli?

Yesu, Mwana waku Chiuta ndi Fumu yamampha ukongwa chifukwa chakuti ngwalisungu kweniso watanja urunji. (Yohane 1:14) Iyu we ndi nthazi zakwenere kuti wangawovya ŵanthu chifukwa wazamuwusa charu chapasi we kuchanya.Wati wayuskika, iyu wanguluta kuchanya ndi kulindizga kujanja lamaryi laku Yehova. (Ŵahebere 10:12, 13) Pavuli paki, Chiuta wangumupaska nthazi zakuti wayambi kuwusa.Ŵerengani Danyele 7:13, 14.

3. Kumbi mbayani wo amuwusa ndi Yesu?

Gulu lo lidanika kuti “ŵanthu ŵatuŵa,” ndilu lamuwusa ndi Yesu kuchanya. (Danyele 7:27) Akutumika aku Yesu ndiwu  ŵenga akwamba kusankhika. Yehova walutirizga kusankha ŵanthu kuja atuŵa mpaka mu mazuŵa nganu. Asani ŵafwa, yiwu ayuka ndi liŵavu lauzimu nge po wanguchitiya Yesu.Ŵerengani Yohane 14:1-3; 1 Ŵakorinte 15:42-44.

Kumbi mbanthu alinga wo akengi kuchanya? Yesu wanguŵadana kuti ‘kamskambu kamana.’ (Luka 12:32) Wosi pamoza akwana 144,000. Yiwu amuwusa charu chapasi pamoza ndi Yesu.Ŵerengani Chivumbuzi 14:1.

4. Kumbi nchinthu wuli cho chinguchitika Yesu wati wayamba kuwusa?

Ufumu waku Chiuta ungwamba kuwusa mu 1914. * Chinthu chakwamba cho Yesu wanguchita nge Fumu kwenga kuponye Satana ndi viŵanda vaki pacharu chapasi. Satana wangukwiya ukongwa ndipu wangwambiska masuzgu pacharu chosi chapasi. (Chivumbuzi 12:7-10, 12) Kwambiya pa nyengu iyi, masuzgu nga ŵanthu ngamala cha. Vinthu nge nkhondu, nja, videru [miliri] ndipuso vidilirisi, vosi ivi nchigaŵa cha “chisimikizgu” chakuti pambula kuswera yapa, Ufumu waku Chiuta uyambengi kuwusa charu.Ŵerengani Luka 21:7, 10, 11, 31.

5. Kumbi nchinthu wuli cho Ufumu waku Chiuta wafiska kuchita?

Nchitu yakupharazga yo yichitika pacharu chosi chapasi yichitiska kuti mskambu ukulu wa ŵanthu a mitundu yosi ujengi mwachimangu. Ŵanthu akufwasa mamiliyoni nganandi azamuwusika ndi Yesu. Ufumu waku Chiuta wazakuŵavikiriya pa nyengu yo mgonezu uheni uwu wazamutuzgikapu pacharu chapasi. Mwaviyo, wosi wo akhumba kuzikondwa ndi Ufumu waku Chiuta atenere kuvwiya Yesu.Ŵerengani Chivumbuzi 7:9, 14, 16, 17.

Mu nyengu ya vyaka 1,000, Ufumu wazamufiska vo Chiuta wakhumbanga kuchitiya mtundu wa ŵanthu pakwamba. Charu chosi chazamuja paradayisu. Ndipu pakumaliya, Yesu wazamuwezge Ufumu kwa Awiski. (1 Ŵakorinte 15:24-26) Kumbi pe munthu yo mungayanja kumukambiyaku va Ufumu waku Chiuta?Ŵerengani Sumu 37:10, 11, 29.

 

^ ndimi 12 Kuti muvwi vosi vakukwaskana ndi uchimi wa m’Bayibolo wo ukamba va chaka cha 1914, wonani buku lakuti Kumbi Bayibolo Lisambizanji Weniukongwa? pa peji 215-218.

Ziŵani Vinandi

Kumbi Bayibolo Lisambizanji Weniukongwa?

Kumbi Tija ‘M’mazuŵa Ngakumaliya’?

Wonani vinthu vo vichitika ndipuso mijalidu yilongole kuti te m’mazuŵa ngakumaliya nge mo Bayibolu likukambiya limu.