Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Uthenga Wamampha Wakutuliya Kwaku Chiuta

 Sambiru 6

Kumbi Akufwa Tazakuŵawona so?

Kumbi Akufwa Tazakuŵawona so?

Chiuta wangukambiya Adamu kuti: “Ndiwi fuvu, ndipu ukaweriyanga kufuvu.”—CHIYAMBO 3:19.

1. Kumbi uthenga wamampha wakukwaskana ndi akufwa ngwakuti wuli?

Yesu wati wafika ku Betaniya kufupi ndi Yerusalemu, wangusaniya kuti mubwezi waki Lazaro wakutayika ndipu pangupita mazuŵa nganayi kutuwa po wangutayikiya. Iyu wanguluta ku muwunda waki pamoza ndi azichi ŵaku Lazaro ŵaŵi, Marta ndi Mariya. Pati papita nyengu yimanavi, ŵanthu anandi anguwungana. Kumbi mungaŵanaŵaniya likondwa lo Marta ndi Mariya ŵenga nalu Yesu wati wayuska Lazaro?Ŵerengani Yohane 11:21-24, 38-44.

Marta wawuziŵanga kali uthenga wamampha wakukwaskana ndi akufwa. Iyu wanguziŵa kuti Yehova wazamuyuska akufwa kuti azije ndi umoyu pacharu chapasi.Ŵerengani Jobu 14:14, 15.

2. Kumbi nchinthu wuli cho chichitika asani munthu wafwa?

Ŵanthu akupangika kutuwa ku fuvu. (Chiyambo 2:7; 3:19) Taŵanthu tilivi mzimu. Isi tikulengeka ndi liŵavu lanyama lo lilivi chigaŵa chechosi cho chilutirizga kuja ndi umoyu asani liŵavu lafwa. Asani munthu wafwa, wongu waki nawu utufwa ndipu waŵanaŵana so cha. Ivi ndivu vinguchitika Lazaro wati wayuka, iyu wangukambapu cha vo wanguwona wati wafwa chifukwa chakuti waziŵanga chechosi cha.Ŵerengani Sumu 146:4; Wakutaula 9:5, 6, 10.

 Kumbi Chiuta watotcha ŵanthu ndi motu asani ŵafwa? Pakuti Bayibolo lititikambiya kuti akufwa aziŵa chechosi cha, nkhani yakuti Chiuta watotcha ŵanthu ndi motu njaboza ndipuso nkhunyoza Chiuta. Ndipu chisambizu chenichi chitimukondweska cha chinanga nkhamanavi.Ŵerengani Yeremiya 7:31.

3. Kumbi akufwa angalongoro nasi?

Ŵanthu akufwa angaŵereŵeta cha pamwenga kuvwa chinthu chechosi. (Sumu 115:17) Kweni angelu anyaki mbaheni, ndipu akhoza kulongoro ndi ŵanthu ndi kupusikiziya kuti mbanthu wo akutayika. (2 Petro 2:4) Yehova watitikanizga kuŵereŵeta ndi ŵanthu akufwa.Ŵerengani Marangu 18:10, 11.

4. Kumbi mbayani wo azamuyuskika?

Ŵanthu anandi wo akufwa azamuyuka ndi kuzija ndi umoyu pacharu chapasi. Chinanga mbanthu anyaki wo achitanga vinthu viheni chifukwa chakuti alekanga kuziŵa Chiuta nawu azamuyuskika.Ŵerengani Luka 23:43; Machitidu 24:15.

Ŵanthu wo azamuyuskika azamuja ndi mwaŵi wakusambira uneneska wakukwaskana ndi Chiuta kweniso kulongo chigomezgu chawu mwaku Yesu mwakumuvwiya. (Chivumbuzi 20:11-13) Ŵanthu wo azamuchitanga vinthu vamampha azamulutirizga kuja ndi umoyu wamuyaya pacharu chapasi.Ŵerengani Yohane 5:28, 29.

5. Kumbi chiyuka chititilongo kuti Yehova ndi Chiuta wamtundu wuli?

Taŵanthu tikhaza chiyuka chifukwa chakuti Chiuta wangutuma Mwana waki kuti wazitifwiyi. Mwaviyo, chiyuka chititilongo kuti Yehova ngwachanju ndipuso we ndi wezi wambula makambika. Kumbi mbayani wo mukhumbisiska kuziŵawona asani akufwa aziyuka?Ŵerengani Yohane 3:16; Ŵaroma 6:23.

 

Ziŵani Vinandi

Kumbi Bayibolo Lisambizanji Weniukongwa?

Kumbi Akufwa ŵe Pani?

Ziŵani vo Bayibolu likamba pa nkhani yakuti akufwa ŵepani ndipuso nchifukwa wuli taŵanthu titufwa.

Kumbi Bayibolo Lisambizanji Weniukongwa?

Chilindizga Cheneku cha Akwanjiwa Ŵinu wo Akutayika

Kumbi mubali winu wakutayika? Kumbi mungazimuwona so? Ziŵani vo Bayibolu likamba pa nkhani ya chiyuka.

Kumbi Bayibolo Lisambizanji Weniukongwa?

Mo Vakulengeka Vauzimu Vititikwaskiya

Bayibolu likamba vakukwaskana ndi angelu kweniso mademoni. Kumbi vakulengeka venivi viliku nadi? Kumbi vo vichita vingatikwasa isi?