Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Uthenga Wamampha Wakutuliya Kwaku Chiuta

 Sambiru 14

Nchifukwa Wuli Chiuta We Ndi Gulu Mazuŵa Nganu?

Nchifukwa Wuli Chiuta We Ndi Gulu Mazuŵa Nganu?

1. Nchifukwa wuli kali Chiuta wangusankha Ayisraele?

Chiuta wangusankha mphapu yaku Abrahamu kuja mtundu ndipu wanguwupaska marangu. Iyu wanguŵadana kuti mtundu wa “Yisraele,” ndipu wanguŵapaska udindu wakukankhuska kusopa kwauneneska ndi mazu ngaki. (Sumu 147:19, 20) Mwaviyo, ŵanthu a mitundu yosi atingi alondiyengi vitumbiku kutuliya mwaku Yisraele.Ŵerengani Chiyambo 22:18.

Chiuta wangusankha Ayisraele kuja akaboni ŵaki. Mbiri yawu yilongo mo ŵanthu wo avwiya marangu ngaku Chiuta ayanduliya. (Marangu 4:6) Ivi vilongo kuti ŵanthu anandi atingi aziŵengi Chiuta wauneneska kutuliya kwa Ayisraele.Ŵerengani Yesaya 43:10, 12.

2. Kumbi nchifukwa wuli Akhristu auneneska asankhika?

Mu kuluta kwa nyengu, Chiuta wanguleka kwanja Ayisraele ndipu Yehova wangusankha mpingu wachikhristu m’malu mwa mtundu uwu. (Mateyu 21:43; 23:37, 38) Mazuŵa nganu, Akhristu auneneska ateŵete nge akaboni aku Yehova m’malu mwa mtundu wa Yisraele.Ŵerengani Machitidu 15:14, 17.

Yesu wangusankha akumulondo ŵaki kuti apharazgengi ndi kupanga akusambira mu mitundu yosi ya ŵanthu. (Mateyu 10:7, 11; 24:14; 28:19, 20) Nchitu iyi ye pafupi kumala sonu, mu nyengu ya umari wa vinthu vo vichitika pacharu mazuŵa nganu. Nkhakwamba mu mbiri yosi kuti Yehova wawunganiskiyi mamiliyoni nganandi nga ŵanthu a mitundu yosi ku kusopa kwauneneska. (Chivumbuzi 7:9, 10) Akhristu auneneska ndiwu apanga gulu lenili. Pacharu chosi chapasi, yiwu alonde ulongozgi wakuyanana wakutuliya m’Bayibolo pa maunganu ngawu.Ŵerengani Ŵahebere 10:24, 25.

 3. Kumbi gulu la Akaboni aku Yehova a mazuŵa nganu likwamba wuli?

Mu 1870, kagulu ka akusambira Bayibolo kangwamba kusaniya uneneska wa m’Bayibolo wo unguleka kusambirika kwa nyengu yitali. Yiwu angwamba nchitu yakusambiza ŵanthu chifukwa aziŵanga kuti Yesu wakwambisa mpingu wa Chikhristu kuti upharazgengi. Mu 1931, kagulu yaka kangwamba kuziŵika ndi zina lakuti Akaboni aku Yehova.Ŵerengani Machitidu 1:8; 2:1, 4; 5:42.

4. Kumbi nchitu yakupharazga ya Akaboni aku Yehova yilongozgeka wuli?

Mu nyengu ya akutumika, mipingu yachikhristu ya mu vyaru vinandi yinguyanduwa ukongwa chifukwa cha wupu wakulongozga wo unguzomerezga Yesu kuja Mutu wa mpingu. (Machitidu 16:4, 5) Mwakuyanana ŵaka ndi mazuŵa nganu, Akaboni aku Yehova pacharu chosi chapasi ayanduwa chifukwa chakuja ndi Wupu Wakulongozga wo we ndi ŵara alusu. Wupu uwu ulongozga nchitu zo zichitika mu maofesi nga Akaboni aku Yehova ko kugwirika nchitu yakufwatuliya, kusindikiza ndi kutumiza mabuku ngakusambiriya Bayibolo mu vineneru vakujumpha 600. Mwaviyo, Wupu Wakulongozga upereka ulongozgi wa m’Malemba ku mipingu yakujumpha 100,000 pacharu chosi chapasi. Mu mpingu wewosi, mwe anthurumi akwenere wo ateŵete nge ŵara, pamwenga akulongozga. Yiwu aphwere mskambu waku Chiuta mwachanju ukongwa.Ŵerengani 1 Petro 5:2, 3.

Akaboni aku Yehova ŵe ndi nchitu yakupharazga uthenga wamampha ndi kupanga akusambira. Nasi tipharazga mu nyumba za ŵanthu nge po achitiyanga akutumika. (Machitidu 20:20) Tisambira so Bayibolo ndi ŵanthu a mtima wamampha wo atanja uneneska. Kweni Akaboni aku Yehova ndi gulu ŵaka cha. Te ŵana a m’banja limoza ndipu Awuskefwi mbachanju. Kweniso ndisi abali ndi azichi wo aphweriyana. (2 Ŵatesalonika 1:3) Ŵanthu aku Yehova apanga banja lalikondwa ukongwa pacharu chosi chapasi chifukwa chakuti akusankhika ndi chilatu chakuti akondweski Chiuta ndi kovya ŵanthu.Ŵerengani Sumu 33:12; Machitidu 20:35.

 

Ziŵani Vinandi

Kumbi Bayibolo Lisambizanji Weniukongwa?

Mujisungi mu Chanju Chaku Chiuta

Kumbi tingalongo wuli kuti tiwonga chifukwa cha vinthu vosi vo Chiuta watichitiya?