Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Uthenga Wamampha Wakutuliya Kwaku Chiuta

 Sambiru 8

Kumbi Chiuta Wazomerezgiyanji Vinthu Viheni ndi Masuzgu?

Kumbi Chiuta Wazomerezgiyanji Vinthu Viheni ndi Masuzgu?

Chiuta wazomerezga kuti ŵanthu awusi kwa nyengu yitali pakukhumba kulongo ukaboni wakuti angamaliska cha masuzgu ngo mtundu wa ŵanthu ukumana nangu

1. Kumbi vinthu viheni vikwamba wuli?

Vinthu viheni vingwamba kuchitika pacharu chapasi Satana wati wakamba boza lakwamba. Pakwamba Satana wenga mungelu wamampha, kweni ‘mwengavi uneneska mwaku iyu.’ (Yohane 8:44) Iyu wakhumbisiskanga kuti ŵanthu asopengi iyu m’malu mwaku Chiuta. Satana wangumukambiya boza Eva ndipu wangumunyenga kuti wavwiyi iyu m’malu mwaku Chiuta. Adamu nayu wangutondeka kuvwiya Chiuta nge po wanguchitiya muwolu waki. Vo Adamu wanguchita vingwambiska masuzgu ndi nyifwa.Ŵerengani Chiyambo 3:1-6, 19.

Satana wati wakambiya Eva kuti wagarukiyi Chiuta, wanguchitiska kuti ŵanthu ayambi kugarukiya muwusu waku Chiuta pamwenga udindu waki nge Wamachanya Limu. Ŵanthu anandi akoliyana ndi Satana pakukana Muwusu waku Chiuta. Mwaviyo, Satana ndiyu “fumu ya charu chinu.”Ŵerengani Yohane 14:30; 1 Yohane 5:19.

2. Kumbi vinthu vo Chiuta wangulenga venga viheni?

Nchitu yaku Chiuta yosi njamampha. Ŵanthu kweniso angelu wo Chiuta wangulenga ŵenga akwenere kumuvwiya kwambula kubudiska kanthu kekosi. (Marangu 32:4, 5) Chiuta wakutilenga ndi wanangwa wakusankha kuchita chamampha pamwenga chiheni. Wanangwa uwu utitipaska mwaŵi wakuti tilongo kuti titanja Chiuta.Ŵerengani Yakobe 1:13-15; 1 Yohane 5:3.

3. Nchifukwa wuli Chiuta wazomerezga kuti masuzgu ngalutiriyi mpaka sonu?

Kwa nyengu yosi iyi, Yehova wazomerezga kuti ŵanthu agarukiyi muwusu waki. Chifukwa? Wachita ivi pakukhumba kulongo kuti kwambula iyu, muwusu wa ŵanthu ungayenda umampha cha. (Wakutaula 7:29; 8:9) Ukaboni wa nkhani iyi wawoneka umapha mu vyaka 6,000 va mbiri  ya ŵanthu. Ŵanthu wo awusapu atondeka kutuzgapu nkhondu, kuswa marangu, kusoŵa urunji pamwenga matenda.Ŵerengani Yeremiya 10:23; Ŵaroma 9:17.

Mwakupambana ndi muwusu wa ŵanthu, muwusu waku Chiuta uchitiska kuti ŵanthu wo atiwuzomerezga ayanduwi ukongwa. (Yesaya 48:17, 18) Pambula kuswera yapa, Yehova wazamutuzgapu maboma ngosi nga ŵanthu. Wo azamuhara charu chapasi mbanthu ŵeniwo asankha kuwusika ndi Chiuta pe.—Yesaya 11:9.Ŵerengani Danyele 2:44.

Vakusankha vidu vilongo kuti tikhumba kuti Chiuta ndiyu Watiwusengi

4. Kumbi kuzizipizga kwaku Chiuta kutitiwovya wuli?

Satana wakukamba kuti ŵanthu ateŵete Yehova chifukwa cha mbunu. Kumbi imwi mungayanja kususka boza ili? Mukhoza nadi! Kuzizipizga kwaku Chiuta kutitipaska mwaŵi wakulongo kuti tizomerezga muwusu waku Chiuta pamwenga wa ŵanthu. Vo tichita pa umoyu widu ndivu vilongo vo tasankha pa nkhani iyi.Ŵerengani Jobu 1:8-11; Nthanthi 27:11.

5. Kumbi tingasankha wuli Chiuta kuja Wakutiwusa?

Tingasankha kuti Chiuta Watiwusengi mwakusambira uneneska wa m’Bayibolo ndi kuchita vo tisambira. (Yohane 4:23) Tingakana kuti Satana watiwusengi mwakuleka kuchitaku ndali ndipuso nkhondu nge po Yesu wanguchitiya.Ŵerengani Yohane 17:14.

Satana wagwiriskiya nchitu nthazi zaki munthowa yakuti mijalidu yiheni ndi vakuchitika vakofya viwonekengi nge vamampha. Abali ŵidu kweniso anyidu akhoza kutinyoza pamwenga kutisuska asani tileka kuchitaku vinthu venivi. (1 Petro 4:3, 4) Yapa ndipu tikhumbika kusankha. Kumbi tiyanjanengi ndi ŵanthu wo atanja Chiuta? Kumbi tivwiyengi marangu ngaki ngazeru ndipuso ngachanju? Asani tichitengi viyo, tilongongi kuti Satana wangupusika pakukamba kuti palivi yo wangagomezgeka kwaku Chiuta asani wakumana ndi masuzgu.Ŵerengani 1 Ŵakorinte 6:9, 10; 15:33.

Chanju cho Chiuta we nachu pa mtundu wa ŵanthu mbukaboni wakuti vinthu viheni ndi masuzgu vazamumala. Wo agomezga kuti uwu mbuneneska azamukondwa ndi umoyu wamuyaya pacharu chapasi.Ŵerengani Yohane 3:16.

 

Ziŵani Vinandi

Kumbi Bayibolo Lisambizanji Weniukongwa?

Nchifukwa Wuli Chiuta Wazomerezga Kuti Tisuzgikengi?

Ŵanthu anandi awona kuti Chiuta ndiyu wachitisa masuzgu ngo tikumana nangu. Imwi muwona wuli? Chiuta wakonkhoska vifukwa vo tisuzgikiya, ŵerengani vifukwa venivi m’mutu uwu.