Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Ufumu Waku Chiuta Uwusa!

Kumazge: Mpolisi wamanga mpharazgi chifukwa chakupharazga ku Eindhoven, Netherlands, mu 1945; kumaryi: Kumbi marangu ngatikupaskani wanangwa wakupharazga m’charu chinu?

 CHIGAŴA 4

Ufumu Upunda—Kujalikiska Mwadangu Uthenga Wamampha

Ufumu Upunda—Kujalikiska Mwadangu Uthenga Wamampha

 YERUZGIYANI kuti mupharazga kunyumba ndi nyumba ndipu muwona galimotu ya apolisi yituwa kuvuli kwinu. Muchikambiskana ndi munthu panyumba yinyaki, munyinu yo mupharazga nayu watimbanyizgika ndi galimotu ya apolisi yo yituma pafupi ndi imwi. Mpolisi yumoza wasika ndipu watikufumbani kuti: “Kumbi anganya yimwi ndimwi mutenda khomu ndi khomu kukambiskana ndi ŵanthu vakukwaskana ndi Bayibolo? Ŵanthu atidandawuliya!” Imwi mumuka mwaulemu, ndipu mutiŵakambiya kuti mwe Akaboni aku Yehova. Kumbi achitengenji namwi?

Fumbu ili lingamukika mwakukoliyana ndi vo vachitikapu m’charu chinu. Kumbi boma la m’charu chinu laŵawonanga wuli Akaboni aku Yehova m’vyaka va kuvuli? Kumbi sonu Akaboni asopa mwawanangwa? Asani ndi viyo, vingachitika kuti abali ndi azichi ŵinu anguyesesa kuvikiriya kweniso kujalikiska mwadangu uthenga wamampha. (Ŵaf. 1:7) Kuŵanaŵaniya nkhani zo Akaboni aku Yehova apunda kumakhoti kungakuwovyani kuti muje ndi chivwanu chakukho. M’chigaŵa ichi tiwonengi zinyaki mwa nkhani zenizi. Nkhani zo tapunda zipereka ukaboni ukulu wakuti Ufumu waku Chiuta uliku nadi, chifukwa pakutija palivi cho tatingi tichitengi!

PA CHIGAŴA ICHI

MUTU 13

Apharazgi a Ufumu Atole Nkhani Zawu Kumakhoti

Akweruzga anyaki a m’makhoti ngakulungakulu mazuŵa nganu achita vinthu nge Gamaliele yo wenga msambizi wa Chilangulu.

MUTU 14

Kuja Akugomezgeka ku Boma Laku Chiuta Pe

Masuzgu nga nge “msinji” ngo Akaboni aku Yehova akumana nangu chifukwa chakuleka kuchitaku ndali ngamezeka ndi gulu linyaki la ŵanthu.

MUTU 15

Titesesa Kuti Tisaniyi Wanangwa Wakusopa

Ŵanthu aku Chiuta ayesesa kuti avwiyengi marangu ngaki mwawanangwa.