Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Ufumu Waku Chiuta Uwusa!

Kumazge: Unganu wo unguchitikiya pabwalu ku London, England, mu 1945; kumaryi: Unganu Wapade ku Malawi, Africa, mu 2012

 CHIGAŴA 5

Masambiru nga Ufumu—Kusambiza Ateŵeti a Fumu

Masambiru nga Ufumu—Kusambiza Ateŵeti a Fumu

 TIYERUZGIYI kuti musekere m’bali wampupuka wa mumpingu winu wachikamba nkhani pa pulatifomu. Iyi ndi nkhani yaki yakwamba pa unganu uwu. Muchivwisiya nkhani yaki yakuyanduliska, muwonga masambiru ngo ŵanthu aku Chiuta alonde. Mukumbuka nyengu yo wangukamba nkhani kakwamba ndipu muwona mo walutiya panthazi! Iyu wakusambizika mu Sukulu ya Uteŵeti Waku Chiuta kweniso Sukulu ya Uteŵeti wa Upayiniya. Ndipu pambula kuswera yapa, iyu ndi muwolu waki angusere Sukulu ya Apharazgi a Ufumu. Muchimba m’manja chifukwa cha nkhani yakukondweska ya m’bali uyu, mulereska ŵanthu wo ŵe pa unganu ndipu mukumbuka masambiru ngo ŵanthu wosi aku Chiuta alonde.

Bayibolo likukambiya limu nyengu yo ŵanthu wosi aku Chiuta “akasambizikanga ndi Ambuya.” (Yes. 54:13) Isi te m’nyengu yeniyi. Tisambizika kuporote m’mabuku, m’maunganu nga mpingu, ngadera, ngapade, nga chigaŵa kweniso m’ma sukulu ngakupambanapambana ngo ngatitiwovya kuti tifiski uteŵeti m’gulu laku Yehova. M’chigaŵa ichi tiwonengi mo masambiru ngenanga ngapereke ukaboni wakuti Ufumu waku Chiuta uwusa mazuŵa nganu.

PA CHIGAŴA ICHI

MUTU 16

Tiwungana Kuti Tisope Pamoza

Kumbi tingachita wuli kuti tiyanduwengi ndi maunganu?

MUTU 17

Kusambiza Ateŵeti a Ufumu

Kumbi masukulu nga mu gulu laku Yehova ngawovya wuli apharazgi a Ufumu kuti afiski uteŵeti wawu?