Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Ufumu Waku Chiuta Uwusa!

Kumazge: Mzichi yo ndi kopotala wapharazga ku Korea, mu 1931; Kumaryi: Kupharazga m’chineneru chamanja ku Korea

 CHIGAŴA 2

Kupharazga Ufumu—Kupharazga Uthenga Wamampha Pacharu Chosi

Kupharazga Ufumu—Kupharazga Uthenga Wamampha Pacharu Chosi

 YERUZGIYANI kuti zuŵa linyaki mulenji mwaluta cha kunchitu ndipu munozgeke kuluta mu uteŵeti wakumunda. Mugongowa chifukwa cha kuvuka ndipu mukhumba kupumuwa. Muromba ndipu pavuli paki musankha kuti muluti. Mupharazga ndi mzichi wakukota, ndipu mukwaskika chifukwa cha kukunthiyapu kwaki kweniso lisungu laki. Muchipharazga nyumba ndi nyumba, mukumbuka kuti abali ndi azichi ŵinu pacharu chosi nawu apharazga uthenga wenuwu mwakugwiriskiya nchitu mabuku ngo imwi mugwiriskiya nchitu, kweniso nawu asambira vo imwi musambira. Muchifika kunyumba mutijivwa kuti mwasaniya nthazi ndipu mwakondwa chifukwa munguluta mbwenu mu uteŵeti!

Nchitu yakupharazga yo Akhristu achita ndiyu nchitu yikulu ya Ufumu waku Chiuta mazuŵa nganu. Yesu wangukambiya limu kuti nchitu yakupharazga yazamuluta panthazi ukongwa m’mazuŵa ngakumaliya. (Mat. 24:14) Kumbi uchimi wenuwu wafiskika wuli? M’chigaŵa ichi tiwonengi ŵanthu wo achita uteŵeti wachikhristu, nthowa kweniso vidya vo agwiriskiya nchitu kuti ŵanthu anandi pacharu chosi aziŵi kuti Ufumu waku Chiuta uliku nadi.

PA CHIGAŴA ICHI

MUTU 6

Ŵanthu wo Apharazga—Ateŵeti Agwira Nchitu Mwakujipereka

Nchifukwa wuli Yesu wenga ndi chigomezgu kuti wazamusaniya ateŵeti akujipereka m’mazuŵa ngakumaliya? Kumbi mungalongo wuli kuti mupenja dankha Ufumu?

MUTU 7

Nthowa Zakupharazgiya—Kupharazgiya Ŵanthu mu Nthowa Zakupambanapambana

Ziŵani nthowa zakupambanapambana zo ŵanthu aku Chiuta agwiriskiya nchitu pakupharazgiya ŵanthu anandi uthenga wamampha umaliru wechendafiki.

MUTU 8

Vidya Vakupharazgiya—Kupanga Mabuku Ngakupharazgiya Pacharu Chosi

Kumbi nchitu yidu yakufwatuliya yilongo wuli kuti Yesu ndiyu watitiwovya? Kumbi ndi vinthu wuli vakukwaskana ndi mabuku ngidu vo vilongo kuti Ufumu uliku nadi?

MUTU 9

Vo Nchitu Yakupharazga Yafiska—‘Minda Yacha Kali Yikhumbika Kuvuna’

Yesu wangusambiza akusambira ŵaki fundu ziŵi zakukhumbika ukongwa zakukwaskana ndi chivuna chauzimu. Kumbi fundu zenizi zititikwaska wuli isi mazuŵa nganu?