Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Ufumu Waku Chiuta Uwusa!

Kumazge: Katundu yo abali ku Switzerland angutumizga kwa abali ku Germany, mu 1946; Kumaryi: Kuzenga so Nyumba ya Ufumu yo yingubwanganduka chifukwa cha tsunami ku Japan, mu 2011

 CHIGAŴA 6

Kovya pa Nchitu za Ufumu—Kuzenga Malu Ngakusopiyamu Kweniso Kupereka Chovyu pa Nyengu ya Masuzgu

Kovya pa Nchitu za Ufumu—Kuzenga Malu Ngakusopiyamu Kweniso Kupereka Chovyu pa Nyengu ya Masuzgu

 TIYERUZGIYI kuti musere mu Nyumba ya Ufumu ndipu muzizwa kuwona mo yasinthiya. Mutiyiyanja ukongwa nyumba yeniyi. Mukumbuka so mo mwakondwiyanga pa nyengu yo mwawovyanga kuzenga Nyumba ya Ufumu yeniyi. Kweni sonu mukondwa ukongwa chifukwa Nyumba ya Ufumu yinu yasinthika kuja malu ngakupereke chovyu kwa abali wo akumana ndi masuzgu. Pambula kuswera yapa m’chigaŵa chinu mwawa vuwa yikulu ukongwa yo yananga vinthu, ndipu Komiti ya Nthambi yanozga nthowa yakovye ŵanthu wo akumana ndi masuzgu mwakuŵapaska chakurya, vakuvwara, maji, kweniso vinthu vinyaki vakukhumbika. Katundu yo waperekeka kuti wawovyi abali waŵikika umamphaumampha. Abali ndi azichi asere kuti alonde vakukhumbika ndipu anandi masozi ngadika chifukwa cha likondwa.

Yesu wangukamba kuti chinthu chikulu cho chazamuziŵikiska ŵanthu ŵaki, nchanju cho azamulongorana yumoza ndi munyaki. (Yoh. 13:34, 35) M’chigaŵa ichi tiwonengi mo Akaboni aku Yehova alongore chanju pa nchitu zakuzenga kweniso kupereka chovyu kwa abali ŵawu wo akumana ndi masoka. Chanju cho yiwu alongo mbukaboni wanthazi wakuti Ufumu waku Yesu uwusa.

PA CHIGAŴA ICHI

MUTU 18

Kumbi Ndalama Zakwendeske Nchitu za Ufumu Zituwa Pani?

Kumbi gulu laku Yehova lisaniya wuli ndalama? Zigwiriskikiya wuli nchitu?

MUTU 19

Nchitu Yakuzenga yo Yitumbika Yehova

Malu ngakusopiyamu ngatumbika Chiuta, kweni pe chinthu chinyaki cho iyu wawona kuti nchakukhumbika ukongwa.

MUTU 20

Kovya Abali Ŵidu pa Masuzgu Kutumbika Yehova

Kumbi tiziŵa wuli kuti kuwovya abali pa nyengu ya masuzgu nkhuchita uteŵeti wakupaturika kwaku Yehova?