Julani

Lutani pa menyu yachiŵi

Akaboni aku Yehova

Chitonga (Malawi)

Kumbi Ufumu Waku Chiuta Ntchinthu Wuli?

Kumbi Ufumu Waku Chiuta Ntchinthu Wuli?

Kumbi mungakamba kuti . . .

  • we mumitima yidu?

  • ndi nthanu ŵaka?

  • ndi boma lakuchanya?

 VO BAYIBOLU LIKAMBA

“Chiuta wakuchanya wamikengi ufumu wo ubwangandulikengi cha.”—Danyele 2:44, New World Translation.

“Kwaku ifwi kwapaskika mwana munthurumi, ndipu weruzgi ukaŵanga papheŵa laki.”—Yesaya 9:6.

KUMBI VENIVI VING’ANAMUWANJI?

  • Boma lamampha lo lingakuwovyani.—Yesaya 48:17, 18.

  • M’charu chifya cho chituza ŵanthu azamutama cha ndipu azamukondwa ndi umoyu wamampha.—Chivumbuzi 21:3, 4.

 KUMBI VO BAYIBOLU LIKAMBA VAUNENESKA?

Vauneneska, pavifukwa viŵi ivi:

  • Yesu wangulongo vo Ufumu waku Chiuta wazamuchita. Iyu wangukambiya akusambira ŵaki kuti arombengi kuti Ufumu waku Chiuta uzi kweniso kuti khumbu laki lifiskiki pacharu chapasi. (Mateyu 6:9, 10) Yesu wangulongo mo rombu ili lazamumukikiya.

    Yesu weche pacharu chapasi, waryiskanga, wachizanga ndipuso wayuskanga ŵanthu akufwa! (Mateyu 15:29-38; Yohane 11:38-44) Nge Fumu ya Ufumu waku Chiuta, Yesu wangulongo vo Ufumu wenuwu wazamuchitiya ŵanthu ŵaki.—Chivumbuzi 11:15.

  • Vinthu vo vichitika pacharu vilongo kuti Ufumu waku Chiuta wepafupi. Yesu wangukambiya limu kuti Ufumu wechendajalikiski chimangu, pacharu chapasi paŵengi nkhondu, nja kweniso vidilirisi.—Mateyu 24:3, 7.

    Venivi titiviwona mazuŵa nganu. Mwaviyo, te ndi chigomezgu chakuti Ufumu waku Chiuta utuzgengepu masuzgu ngenanga pambula kuswera.

 ŴANAŴANIYANI MAFUMBU YANGA

Kumbi umoyu wazamukuŵa wuli mu Ufumu waku Chiuta?

Bayibolu limuka fumbu ili pa SUMU 37:29 ndi YESAYA 65:21-23.

Ziŵani Vinandi

UTHENGA WAMAMPHA WAKUTULIYA KWAKU CHIUTA

Khumbu Laku Chiuta la Charu Chapasi

Bayibolu likonkhoska chifukwa cho Chiuta wakulenge charu chapasi, nyengu yo masuzgu ngazamumaliya ndipuso vinthu vo vazamuchitikiya ŵanthu wo azamuja pacharu chapasi munthazi.