Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Kumbi Tingasambiranji m’Bayibolu?

Kumbi Chiuta Wakutilengiyanji?

Kumbi Chiuta Wakutilengiyanji?

ASANI muŵerenga nyuzipepala, muwonere TV pamwenga muvwisiya wayilesi, mutuvwa nkhani zinandi zakukwasana ndi kuleka kuvwiya marangu, nkhondu ndipuso kubayana. Panyaki namwi musuzika chifukwa cha matenda pamwenga munthu yo mwamuyanjanga wakufwa.

Jifumbeni kuti:

  • Kumbi Chiuta wakhumba kuti ini ndi banja langu tikumanengi ndi masuzu ngaviyo?

  • Ndi nunkhu ko ndingasaniya chovyu kuti ndizizipizi masuzu ngo ndikumana nangu?

  • Kumbi pacharu chapasi pazamuja nadi chimangu?

Bayibolu limuka umampha ukongwa mafumbu ngenanga.

 BAYIBOLU LISAMBIZA KUTI CHIUTA WACHITENGI VINTHU VAMAMPHA UKONGWA PACHARU CHAPASI.

  • Ŵanthu azamuvwanga kuŵaŵa cha, azamukota cha pamwenga kufwa.Chivumbuzi 21:4

  • “Akupunduka azamutchimbiya nge mphoyu.”Yesaya 35:6

  • “Masu nga ŵanthu achibulumutiya ngazamujulika.”Yesaya 35:5

  •  Ŵanthu wo akufwa azamuyusika.Yohane 5:28, 29

  • Palivi yo wazamutama.Yesaya 33:24

  • Weyosi pacharu chapasi wazamuja ndi vakurya vinandi.Sumu 72:16

 PINDUWANI NDI VO BAYIBOLU LISAMBIZA

Panyaki mungaŵanaŵana kuti vo mwaŵerenga pamapeji ngakwamba ndi nthanu ŵaka. Chiuta walayiza kuti wasinthengi vinthu venivi pambula kuswera ndipu Bayibolu likonkhosa mo Chiuta wazamuchitiya venivi.

Bayibolu likamba vinandi. Lititikambiya so vo tikhumbika kuchita kuti tikondwengi kweniso tije ndi umoyu wamampha pasonu panu. Aŵanaŵaniyani vinthu vo vitikufipisani mtima. Kungaŵa kusoŵa ndalama, masuzu nga mubanja, matenda kweniso panyaki munthu yo mwamuyanjanga wakufwa. Bayibolu lingakuwovyani kuti muzizipizi masuzu ngenanga ndipu lingakupembuzani mwakumuka mafumbu nge yanga:

 Chifukwa chakuti muŵerenga buku ili, mulongo kuti mukhumba kuziŵa vo Bayibolu lisambiza. Buku lenili likuwovyeningi. Ndimi yeyosi ye ndi fumbu ndipu mafumbu ngenanga, ngakuwovyeningi kuti mulivwisi umampha Bayibolu. Ŵanthu mamiliyoni nganandi akondwa chifukwa asambira Bayibolu ndi Akaboni aku Yehova. Tigomeza kuti namwiso mukondwengi asani musambirengi Bayibolu. Chiuta wakutumbikeni po musambira Bayibolu!