Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Sambirani Nkhani za m’Bayibolu

Mazu Ngakwamba nga Chigaŵa 9

Mazu Ngakwamba nga Chigaŵa 9

Mu chigaŵa ichi tisambirengi nkhani za ŵana, achimi ndi mafumu. Yiwu angulongo kuti ŵenga akugomezeka kwaku Yehova. Ku Siriya kwenga kamsungwana kachiyisraele ko kenga ndi chivwanu kuti mchimi waku Yehova wangachiza Namani. Mchimi Elisha wenga ndi chivwanu kuti Yehova wamuvikiliyengi kwaku Namani yo wenga msilikali kweniso murwani wa Ayisraele. Wasembi Mura Yehoyada wanguŵika umoyu waki pangozi kuti wavikiliyi Yoashi kwa ambuyaki anthukazi a Ataliya wo ŵenga aheni. Fumu Hezekiya yenga ndi chigomezu kuti Yehova wataskengi Yerusalemu ndipu yinguchita mantha cha po Asiriya ayiwofyezanga. Fumu Josiya yingumalisa kusopa angoza mu charu cho, yingunozga so nyumba yakusopiyamu ndipu yinguwovya ŵanthu kuti ayambi so kusopa kwa uneneska.