Chigaŵa ichi chikonkhosa zaku Fumu Sauli ndi Fumu Davidi. Vakuchitika va muchigaŵa ichi vinguto vyaka 80. Pakwamba, Sauli wenga wakujiyuyuwa kweniso wawopanga Chiuta, kweni wanguswela cha kusintha. Iyu wangukana ulongozgi waku Yehova. Yehova wangumukana ndipu pavuli paki wangusankha Davidi kuti ndiyu waje fumu ya Ayisraele. Chifukwa cha sanji, Sauli wakhumbanga kumubaya Davidi, kweni Davidi wanguwezge cha. Jonafani, mwana waku Sauli, wanguziŵa kuti Davidi wangusankhika ndi Yehova. Chinanga kuti Davidi wanguchita maubudi ngakulu, kweni wangukana cha ulongozgi waku Yehova. Asani ndimwi mupapi, wovyani ŵana ŵinu kuziŵa kukhumbika kwakuvwiya ulongozgi waku Yehova nyengu zosi.