Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Sambirani Nkhani za m’Bayibolu

 SAMBIRU 30

Rahabi Wangubisa Ŵanthu wo Angutumika

Rahabi Wangubisa Ŵanthu wo Angutumika

Ŵanthu wo angutumika ŵati aluta mutawuni ya Yeriko, angufikiya ku nyumba ya munthukazi munyaki zina laki Rahabi. Fumu ya ku Yeriko yinguvwa kuti kwaza ŵanthu kutuwa ku Yisraele ndipu yingutuma asilikali kuti aluti kunyumba yaku Rahabi. Iyu wangubisa anthurumi ŵaŵi Achiyisraele ŵenawa kuchanya kwa nyumba ndipu wangukambiya asilikali kuti aluti kunyaki kuchiŵapenja. Rahabi wangukambiya ŵanthu wo angutumika kuti: ‘Ndikuwovyeningi chifukwa ndiziŵa kuti Yehova we namwi ndipuso kuti muthereskengi charu chidu. Ndilayizgeni kuti mwazakuŵabaya cha ŵanthu a mubanja langu.’

Ŵanthu wo angutuwa ku Yisraele angukambiya Rahabi kuti: ‘Tilayizga kuti palivi munthu mweniyo wazamuja munyumba yaku yo wazamukufwa.’ Angumukambiya so kuti: ‘Manga chingwi chiyera ichi pawindu la nyumba yaku ndipu iwi ndi ŵanthu a mubanja laku mwazamubayika cha.’ Kumbi uŵanaŵana kuti Rahabi wanguvwa wuli?

Rahabi wangukambiya ŵanthu wo angutuwa ku Yisraele kuti atuliyi pawindu mwakugwirisiya ntchitu chingwi. Yiwu anguluta kumapiri ndipu angubisama kwa mazuŵa ngatatu ŵechendawere kwaku Yoswa.  Pavuli paki Ayisraele anguyambuka Msinji wa Yordane ndipu angunozgeka kulonda charu. Yeriko yenga tawuni yakwamba kulonda. Yehova wanguŵakambiya kuti azunguliyi tawuni yo kamoza pa zuŵa kwa mazuŵa 6. Pa zuŵa la nambala 7, anguzunguliya tawuni yo maulendu 7. Pavuli paki asembi angumba mbata ndipu asilikali angudaniriza. Mwaviyo, tawuni yo yingubwangandulika. Kweni nyumba yaku Rahabi yo yingugumatiza ku mpanda, yinguwa cha. Rahabi ndi ŵanthu a mubanja laki angutaskika chifukwa chakuti wangugomeza Yehova.

“Mwakuyanana ŵaka, asi Rahabi . . . wangukambika kuti ndi murunji chifukwa cha ntchitu, wati walonde umampha nthumi ndi kuzikambiya kuti zituliyi kunthowa yinyaki”—Yakobe 2:25

 

Ziŵani Vinandi

SAMBIZANI ŴANA ŴINU

Rahabe Wangugomezga Yehova

Sambirani mo Rahabe ndi banja laki angutaskikiya pa nyengu yo Yeriko wangubwangandulikiya.