Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Sambirani Nkhani za m’Bayibolu

 SAMBIRU 36

Layizgu Laku Jefta

Layizgu Laku Jefta

Ayisraele anguleka so kusopa Yehova ndipu angwamba kusopa achiuta aboza. Pa nyengu yo a Amoni achitanga nkhondu ndi Ayisraele, achiuta aboza ŵenaŵa anguŵawovya cha. Ayisraele angusuzgika kwa vyaka vinandi. Pavuli paki, angukambiya Yehova kuti: “Takunangiyani. Chondi titaskeni kwa arwani ŵidu.’ Ayisraele anguphwanya angoza ŵawu ndipu angwamba so kusopa Yehova. Yehova wakhumbanga cha kuti alutirizi kusuzgika.

Msilikali wachiyisraele zina laki Jefta wangusankhika kuti walongozgi Ayisraele kuchichita nkhondu ndi a Amoni. Iyu wangukambiya Yehova kuti: ‘Asani mwatiwovya kuphara nkhondu iyi, ndilayizga kuti asani ndaziwere kunyumba, ndazakukupasani munthu wakwamba yo wazamutuwa mu nyumba mwangu kuzikumana nani.’ Yehova wanguvwa pempheru laku Jefta ndipu wangumuwovya kuphara nkhondu.

 Jefta wati wawere kunyumba, munthu wakwamba yo wanguza kuzimulondere wenga mwana waki yumoza pe munthukazi. Iyu wavinanga ndi kumba kang’oma. Kumbi Jefta wanguchita wuli? Iyu wangukumbuka layizgu laki ndipu wangukamba kuti: ‘Mwana wangu! Wandipweteka mtima. Ndingulayizga kwaku Yehova. Kuti ndifiski vo ndingulayizga, ndikhumbika kukutuma ku chihema ku Shilo kuti ukateŵetiyengi kweniko.’ Mwana waki wangumukambiya kuti: ‘Ada, asani mukulayizga kwaku Yehova, mutenere kufiska layizgu linu. Ndipempha kuti ndiluti ku mapiri ndi anyangu kwa myezi yiŵi. Pavuli paki ndilutengi.’ Mwana waku Jefta wanguteŵete Yehova mwakugomezeka ku chihema kwa umoyu waki wosi. Chaka chechosi, anyaki alutanga ku Shilo kuchimuwona.

“Weyosi yo watanja ukongwa mwana waki munthurumi pamwenga mwana waki munthukazi kuluska ini, ngwakwenere ini cha.”—Mateyu 10:37