Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Sambirani Nkhani za m’Bayibolu

 SAMBIRU 21

Mulili wa Nambala 10

Mulili wa Nambala 10

Mozesi wangulayizga Farawo kuti wazengeku so cha kuzikumana nayu. Kweni wechendatuweku kwaku Farawo, wangumukambiya kuti: ‘Pakati pa usiku, mwana weyosi wakwamba wa Aegipiti, kwambiya mwana munthurumi waku Farawo mpaka mwana munthurumi wa akapolu ŵaki, wafwengi.’

Yehova wangukambiya Ayisraele kuti aryi chakurya chapade. Wanguŵakambiya kuti: ‘Mubayi mwana wa mbereri pamwenga wa mbuzi wa chaka chimoza ndipu zinyaki mwa ndopa zaki muzipaki pafulemu ya khomu linu. Muwotchi nyama yo ndipu muryi limoza ndi chiŵandi chambula vakufufumisa. Muvwali vakuvwala ndi sapatu ndipu muje akunozgeka kuluta. Usiku weniwunu, ndikufwatuweningi.’ Kumbi uŵanaŵana kuti Ayisraele angukondwa wuli?

Pakati pa usiku, mungelu waku Yehova wanguluta kunyumba zosi mucharu cha Egipiti. Munyumba zo anguleka kupaka ndopa pafulemu, mwana wakwamba wangufwa. Pa nyumba zo angupaka ndopa pa fulemu, mungelu wangujumphapu ŵaka. Mubanja lelosi la ku Egipiti kwali lenga lakukhupuka pamwenga likavu, mungutayika mwana. Kweni pengavi mwana wa Ayisraele yo wangufwa.

Mwana waku Farawo nayu wangufwa ndipu ivi vingumupweteka ukongwa. Nyengu yeniyo, Farawo wangukambiya Mozesi ndi Aroni kuti: ‘Sokani. Tuwaniku kunu. Lutani kuti mukasopi Chiuta winu. Toni viŵetu vinu, kaningi!’

 Mwezi uchiŵala, Ayisraele angutuwamu mucharu cha Egipiti. Yiwu anguŵagaŵa mu mabanja kweniso mafuku. Penga anthurumi 600 sawuzandi, kweniso anthukazi ndi ŵana anandi. Ŵanthu anyaki anandi wo ŵenga Ayisraele cha nawu anguluta kuti akasopengi Yehova. Ayisraele angufwatulika!

Kuti akumbukengi mo Yehova wanguŵataskiya, chaka chechosi Ayisraele aryanga chakurya chapade nge cho angurya ŵe ku Egipiti. Chakurya ichi chadanikanga kuti Phaska.

“Pa chifukwa chenichi ndakusiya ndi umoyu kuti ndikulongo nthazi zangu kweniso kuti zina langu lipharazgiki pacharu chosi chapasi.”—Ŵaroma 9:17