Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Sambirani Nkhani za m’Bayibolu

 SAMBIRU 7

Chinyumba Chitali Cha ku Babele

Chinyumba Chitali Cha ku Babele

Chigumula chati chamala, ŵana aku Nowa ndi awolu ŵawu ŵenga ndi ŵana anandi. Mabanja ngawu ngenga nganandi ndipu angwamba kuchija muvigaŵa vakupambanapambana pacharu chapasi nge mo Yehova wanguŵakambiya.

Mabanja nganyaki ngangumuvwiya cha Yehova. Yingu ngangukamba kuti: ‘Tiyeni tizengi tawuni, tijengemu. Tizengi chinyumba chitali kuti chikafiki kuchanya. Venivi vichitisengi kuti titchuki.’

 Yehova wangukondwa cha ndi vo ŵanthu wo achitanga ndipu wanguŵanaŵana kuti waŵalekesi. Kumbi uziŵa vo wanguchita? Mwamabuchibuchi, wanguchitisa kuti ayambi kulongoro vineneru vakupambana. Chifukwa chakuti avwirananga cha, anguleka kuzenga chinyumba cho. Tawuni yo azenganga yinguzidanika kuti Babele, kung’anamuwa kuti, “Kutimbanyizgika.” Ŵanthu angwamba kutuwaku ndipu angupatukana ndi kuchija muvigaŵa vakupambanapambana pacharu chapasi. Yiwu angulutiriza kuchita vinthu viheni ko anguluta. Kumbi wengapu yo wangulutiriza kwanja Yehova? Tiwonengi mu mutu wapanthazi.

“Weyosi yo watijikuzga wayuyulikengi, ndipu weyosi yo watijiyuyuwa, wakwezekengi.”—Luka 18:14