Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Sambirani Nkhani za m’Bayibolu

 SAMBIRU 11

Abrahamu Wanguyeseka

Abrahamu Wanguyeseka

Abrahamu wangusambiza mwana waki Yisaki kuti wayanjengi Yehova ndipuso wagomezengi vosi vo wakulayizga. Yisaki we pafupi kukwanisa vyaka 25, Yehova wangukambiya Abrahamu kuti wachiti chinthu chakusuzga ukongwa. Kumbi chenga chinthu wuli?

Chiuta wangukambiya Abrahamu kuti: ‘Uto mwana waku yumoza pe munthurumi, uluti kuphiri mucharu cha Moriya ndipu ukamupereki sembi.’ Abrahamu waziŵanga cha chifukwa cho Yehova wangumukambiya kuti wachitiyi venivi. Chinanga kuti venga viyo, wanguvwiya.

Kwati kwacha ndi mulenjilenji, Abrahamu wanguto Yisaki ndi ateŵeti ŵaki ŵaŵi ndipu angwamba ulendu wawu wakuluta ku Moriya. Ŵati ayenda kwa mazuŵa ngatatu angwamba kuwona mapiri. Abrahamu wangukambiya ateŵeti ŵaki kuti alindizi pamalu ngo angufika ndipu iyu ndi Yisaki alutengi kuchipereka sembi. Abrahamu wangukambiya Yisaki kuti wapingi nkhuni ndipu iyu wapingengi chimayi. Yisaki wangufumba awisi kuti: ‘Yepani nyama yo tamupereka sembi?’ Abrahamu wangumuka kuti: ‘Mwana wangu, Yehova waperekengi.’

Ŵati afika paphiri anguzenga guŵa lakuti awotchiyepu sembi. Pavuli paki, Abrahamu wangumanga Yisaki manja ndi marundi ndipu wangumugoneka paguŵa.

Abrahamu wati wato chimayi, mungelu waku Yehova wangudaniriza kutuwa kuchanya kuti: ‘Abrahamu! Ungamubayanga cha munyamata yo! Sonu ndaziŵa kuti we ndi chivwanu mwaku Chiuta chifukwa ungukana cha kupereka sembi mwana  waku.’ Pavuli paki, Abrahamu wanguwona mbereri yo yinguwira ndipu masengwi ngaki ngangukoloŵeka muthundu. Iyu wangufwatuwa Yisaki luŵiluŵi ndipu wangupereka sembi mbereri yo.

Kutuliya zuŵa lenili, Yehova wadananga Abrahamu kuti mubwezi waki. Kumbi uziŵa chifukwa chaki? Abrahamu wachitanga chechosi cho Yehova wamukambiyanga, chinanga kuti nyengu zinyaki waziŵanga cha chifukwa cho Yehova wakambiyanga viyo.

Yehova wanguwereza so layizgu laki ndipu wangukambiya Abrahamu kuti: ‘Ndikutumbikengi, ndipu ndazamuchitisa kuti ŵana ŵaku aŵi anandi, pamwenga kuti mphapu yaku.’ Ivi vang’anamuwanga kuti ŵanthu wosi amampha atingi azilondiyengi vitumbiku kuziya mu ŵana aku Abrahamu.

“Pakuti Chiuta wakwanja ukongwa charu, mwakuti wakupereka Mwana waki wapade, kuti weyosi wakuvwana mwaku iyu waleki kunangika, kweni waje ndi umoyu wamuyaya.”—Yohane 3:16