Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Sambirani Nkhani za m’Bayibolu

 SAMBIRU 5

Nowa Wangukhoma Chingaraŵa

Nowa Wangukhoma Chingaraŵa

Pati pajumpha nyengu, pacharu chapasi penga ŵanthu anandi. Anandi mwa ŵanthu ŵenaŵa achitanga vinthu viheni. Angelu anyaki kuchanya angusintha kuja angelu aheni. Yiwu angutuwaku kuchanya ndipu anguza pacharu chapasi. Kumbi uziŵa chifukwa cho anguchitiya venivi? Yiwu akhumbanga kuto anthukazi. Mwaviyo, angusintha maliŵavu ngawu kuja nge ŵanthu.

Angelu ŵenaŵa ŵati ato anthukazi, angubala ŵana. Ŵana wo, angukuwa ndi nthazi ndipu ŵenga a ndewu. Yiwu apwetekanga ŵanthu. Yehova wakhumbanga cha kuti vinthu va viyo vilutiriyi kuchitika. Mwaviyo, wanguŵanaŵana kuti wabayi ŵanthu wosi aheni ndi chigumula.

Penga munthu munyaki yo wapambananga ndi ŵanthu ŵenaŵa. Zina laki lenga Nowa ndipu wayanjanga Yehova. Iyu wenga ndi munthukazi ndi ŵana atatu. Mazina ngawu ngenga Shemu, Hamu ndi Yafete ndipu weyosi wanguto munthukazi. Yehova wangukambiya Nowa kuti wakhomi chingaraŵa kuti iyu ndi banja laki aleki kufwa ndi Chigumula. Chingaraŵa ntchibokosi chikulu cho chingayanjama pamaji. Yehova wangukambiya so Nowa kuti waselezi nyama zinandi muchingaraŵa kuti nazu zileki kufwa.

Nowa wangwamba nyengu yeniyo kukhoma chingaraŵa. Iyu ndi banja laki anguto vyaka pafupifupi 50 kuti amalizi kukhoma chingaraŵa. Yiwu anguchikhoma mwakukoliyana ndi vo Yehova wanguŵakambiya. Pa nyengu yeniyi, Nowa watcheŵesanga ŵanthu kuti kuzengi Chigumula. Kweni pengavi yo wangumuvwiya.

Pakumaliya, Nowa ndi banja laki angusere muchingaraŵa. Tiyi tiwoni vo vinguchitika pavuli paki.

“Nge mo venge mu mazuŵa ngaku Nowa, ndimu so kwazamuŵiya kuŵapu kwa mwana wa munthu.”—Mateyu 24:37