Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Sambirani Nkhani za m’Bayibolu

 SAMBIRU 3

Adamu ndi Eva Anguvwiya Chiuta Cha

Adamu ndi Eva Anguvwiya Chiuta Cha

Zuŵa linyaki Eva wenga yija ndipu njoka yingulongoro nayu. Yingukamba kuti: ‘Kumbi mbuneneska kuti Chiuta wakukukanizani kurya vipasu va muvimiti vosi?’ Eva wangumuka kuti: ‘Tingarya vipasu va muvimiti vosi kupatuwaku chimoza pe. Asani tingarya chipasu cha muchimiti chenichi, tifwengi.’ Njoka yingukamba kuti: ‘Mufwengi cha. Asani mungarya chipasu cha muchimiti chenichi, muyananengi ndi Chiuta.’ Kumbi vo njoka yingukamba venga vauneneska? Awa, venga vaboza kweni Eva wanguvigomeza. Chifukwa chakuti Eva wachileresanga kaŵikaŵi chipasu cho, vinguchitisa kuti wachikhumbirengi ukongwa. Iyu wangurya chipasu cho ndipu wangupasaku so Adamu. Adamu waziŵanga kuti afwengi asani angaleka kuvwiya Chiuta kweni wangurya.

Zuŵa lenilo anguryiya, Yehova wangulongoro ndi Adamu kweniso Eva. Iyu wanguŵafumba chifukwa cho anguleke kuvwiya vo wanguŵakambiya. Eva wangumba mulandu njoka ndipu Adamu wangumba mulandu Eva. Yehova wangudikisa Adamu ndi Eva mumunda wa Edene chifukwa chakuti angumuvwiya cha. Kuti yiwu aleki kuweliyamu, Yehova wanguŵika angelu pa khomu la munda wo ndipuso lipanga lo lanyekanga motu.

Yehova wangukamba so kuti walangengi yo wangukamba boza kwaku Eva. Yenga njoka cha yo yingulongoro ndi Eva. Yehova wangupanga njoka mu nthowa yakuti zilongorongi cha. Mungelu muheni ndiyu wanguchitisa kuti njoka yilongoro. Iyu wanguchita ivi kuti wapusisi Eva. Mungelu mwenuyu wadanika kuti Satana Dyaboli. Kunthazi, Yehova wazamubaya Satana kuti wazileki kupusisa ŵanthu kuti azichitengi vinthu viheni.

“Dyaboli . . . wenga wakubaya ŵanthu kwamba pakwamba, ndipu wakumapu cha muuneneska, chifukwa mwaku iyu mulivi uneneska.”—Yohane 8:44