Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Sambirani Nkhani za m’Bayibolu

Mazu Ngakwamba nga Chigaŵa 2

Mazu Ngakwamba nga Chigaŵa 2

Ntchifukwa wuli Yehova wanguzisa chigumula cho chingunanga charu chakali? Nkhani ya pakati pa uheni ndi umampha yikwamba kali pati pajumpha nyengu yimanavi kutuliya po ŵanthu angupangikiya. Ŵanthu anyaki, nge Adamu, Eva ndi mwana wawu Kaini, angusankha kuja kuchigaŵa chiheni. Anyaki amanavi, nge Abelu ndi Nowa, angusankha kuja kuchigaŵa chamampha. Ŵanthu anandi angwamba kuchita vinthu viheni ndipu Yehova wanguŵananga. Chigaŵa ichi chitiwovyengi kuziŵa kuti Yehova wawona chigaŵa cho tasankha kweniso kuti iyu wazomerezengi cha kuti uheni uthereski umampha.

PA CHIGAŴA ICHI

SAMBIRU 3

Adamu ndi Eva Anguvwiya Chiuta Cha

Kumbi chimiti chenichi chenga chakukhumbika wuli mumunda wa Edene? Ntchifukwa wuli Eva wangurya chipasu cha muchimiti chenichi?

SAMBIRU 4

Wangubaya Muvurwa Waki Chifukwa Chakukwiya

Chiuta wangulonde sembi yaku Abelu kweni yaku Kaini cha. Kaini wati waziŵa, wangukwiya ukongwa ndipu wanguchita chinthu chiheni ukongwa.

SAMBIRU 5

Nowa Wangukhoma Chingaraŵa

Angelu aheni ŵati ato anthukazi pacharu chapasi, ŵenga ndi ŵana anthazi ndipuso andewu. Viwawa venga peposi. Nowa wapambananga ndi ŵanthu wosi, iyu wayanjanga Chiuta kweniso wamuvwiyanga.

SAMBIRU 6

Ŵanthu 8 Angutaskika

Vuwa yinguwa kwa mazuŵa 40 usiku ndi musana. Nowa ndi banja laki anguja muchingaraŵa kujumpha chaka chimoza. Pakumaliya, angutuwa muchingaraŵa.