Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Sambirani Nkhani za m’Bayibolu

 SAMBIRU 76

Yesu Watowesa Nyumba Yakusopiyamu

Yesu Watowesa Nyumba Yakusopiyamu

Mu mwezi wa April mu chaka cha 30 C.E., Yesu wanguluta ku Yerusalemu. Ŵanthu anandi anguluta kwenuku kuchichita Phaska. Pa mwambu uwu, yiwu aperekanga so sembi za nyama pa nyumba yakusopiyamu. Ŵanthu anyaki azanga ndi viŵetu vawu kweni anyaki agulanga kweniko.

Yesu wati waluta kunyumba yakusopiyamu, wangusaniya kuti ŵanthu agulisa viŵetu. Yiwu agulisiyanga munyumba yakusopiyamu kuti asaniyi ndalama. Kumbi Yesu wanguchita wuli? Wangupanga likhwechu la vingwi ndipu wangudikisa mbereri ndi ng’ombi. Iyu wangugudubuwa mathebulu nga ŵanthu wo asinthanga ndalama ndipu wangudila ndalama zawu pasi. Yesu wangukambiya ŵanthu wo agulisanga nkhunda kuti: ‘Tuzganimu vinthu ivi munu! Lekani kuchitiyamu malonda munyumba ya Ada!’

 Ŵanthu wo ŵenga pa nyumba yakusopiyamu anguzizwa ndi vo Yesu wanguchita. Akusambira ŵaki angukumbuka uchimi wo ukamba zaku Mesiya wakuti: ‘Ndazamuchita vinthu mwaphamphu pa nyumba yaku Yehova.’

Mu chaka cha 33 C.E., Yesu wanguyitowesa so nyumba yakusopiyamu. Iyu wakhumbanga cha kuti ŵanthu alekengi kutumbika nyumba ya Awisi.

“Mungaja cha kapolu waku Chiuta ndipuso kapolu wa chuma.”—Luka 16:13