Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Sambirani Nkhani za m’Bayibolu

 SAMBIRU 68

Elizabeti we Ndi Mwana

Elizabeti we Ndi Mwana

Pati pajumpha vyaka 400 kutuliya po anguzenge mpanda wa Yerusalemu, wasembi munyaki zina laki Zekariya pamoza ndi muwolu waki Elizabeti, ajanga kufupi ndi msumba wenuwu. Kutuliya pa nyengu yo angutoliyana anguja vyaka vinandi kwambula mwana. Zuŵa linyaki Zekariya wawotchanga tinthu takununkhira pa guŵa la sembi lo lenga munyumba yakusopiyamu ndipu kunguza mungelu Gabriele. Zekariya wanguchita mantha kweni Gabriele wanguti: ‘Ungawopanga cha. Ndakupingiya uthenga wamampha wakutuliya kwaku Yehova. Muwolu waku Elizabeti wabalengi mwana munthurumi ndipu zina laki lijengi Yohane. Yehova wasankha Yohane kuti wagwiri ntchitu yapade.’ Zekariya wangufumba kuti: ‘Ndingavigomeza wuli vo ukamba? Ini ndi muwolu wangu ndisi akukota ukongwa tingaja cha ndi mwana.’ Gabriele wangukamba kuti: ‘Chiuta ndiyu wandituma kuti ndikukambiyi uthenga wenuwu. Chifukwa chakuti wandigomeza cha, ulongorongi cha mpaka po mwana wawiya.’

Zekariya wanguja nyengu yitali munyumba yakusopiyamu kuluska mo wachitiyanga kali. Wati watuwa kubwalu, ŵanthu wo alindizanga angumufumba kuti aziŵi vo vinguchitika. Zekariya walongoronga cha ndipu wakambisananga nawu ndi manja. Ŵanthu wo anguziŵa kuti walonde uthenga kutuliya kwaku Chiuta.

Pati pajumpha nyengu, Elizabeti wanguja ndi nthumbu ndipu wangubala mwana munthurumi nge mo mungelu wangukambiya. Abwezi ŵaki kweniso abali ŵaki anguza kuziwona mwana yo. Yiwu angukondwa ukongwa. Elizabeti wangukamba kuti: ‘Zina laki waŵengi Yohane.’ Yiwu anguti: ‘Mu banja linu mulivi weyosi yo wadanika kuti Yohane. Mumudani zina la awisi lakuti Zekariya.’ Kweni Zekariya wangulemba mazu ngakuti: ‘Zina laki ndi Yohane.’ Zekariya wangwamba so kulongoro nyengu yeniyi. Nkhani iyi yinguwanda mucharu cha Yuda ndipu ŵanthu akambanga kuti: ‘Kumbi mwana mwenuyu asani wazikuwa, wazamuja munthu wa mtundu wuli?’

Pavuli paki, mzimu utuŵa unguza paku Zekariya. Ndipu wangwamba kukamba vo vazamuchitika kunthazi kuti: ‘Yehova wathamikiki. Iyu wangulayizga Abrahamu kuti wazakutitumiziya  mtaski, Mesiya yo wazakutiwombo. Yohane wazamuja mchimi ndipu wazamunozga nthowa yaku Mesiya.’

Mariya, mubali waku Elizabeti nayu chingumuchitikiya chinthu chinyaki chapade. Tiyi tiwoni venivi mu mutu wapanthazi.

“Ku ŵanthu, vingachitika cha, kweni palivi cho Chiuta watondeka kuchita.”—Mateyu 19:26

Ziŵani Vinandi

SAMBIRANI NKHANI ZA M’BAYIBOLU

Yohane Wanozga Nthowa

Yohane Wati wakuwa wanguja mchimi. Wasambizanga ŵanthu kuti Mesiya watuza. Kumbi ŵanthu anguchita ndi uthenga waki?