Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Sambirani Nkhani za m’Bayibolu

 SAMBIRU 64

Danyele Angumuponya Muzenji la Nkharamu

Danyele Angumuponya Muzenji la Nkharamu

Fumu yinyaki yo yingwamba kulamuliya Babiloni yenga Dariusi Mumede. Dariusi wanguwona kuti Danyele wenga munthu wakukhumbika. Iyu wangumusankha kuti walongozgengi ŵanthu a maudindu a charu cho. Ŵanthu yaŵa amuchitiyanga sanji ndipu akhumbanga kuti watuwepu pa udindu. Yiwu aziŵanga kuti wapempheranga kwaku Yehova katatu pa zuŵa. Mwaviyo, angukambiya Dariusi kuti: ‘Fumu, paje dangu lakuti weyosi wasopengi imwi pe. Yo waleka kuvwiya dangu lenili, watenere kuponyeka muzenji la nkharamu.’ Dariusi wanguwona kuti vo ŵanthu wo angukamba venga vamampha ndipu wangusayiniya dangu lenili.

Danyele wati wavwa ŵaka dangu lifya lenili wanguluta ku nyumba yaki. Iyu wangugwada pafupi ndi windu lo lenga lakujula ndipu wangupemphera kwaku Yehova. Ŵanthu wo amuchitiyanga sanji angusere mu nyumba yaki ndipu angumusaniya kuti wapemphera. Yiwu anguluta kwaku Dariusi ndikumukambiya kuti: ‘Danyele watikuvwiyani cha. Zuŵa lelosi wapemphera katatu kwaku Chiuta waki.’ Dariusi wamuyanjanga Danyele ndipu wakhumbanga cha kuti wafwi. Zuŵa losi lamphumphu waŵanaŵaniyanga mo wangataskiya Danyele. Kweni chinanga ndi fumu yatingi yisinthengi cha dangu lo yingusayiniya. Mwaviyo, yingulamula ŵanthu kuti aponyi Danyele muzenji la nkharamu zakofya ukongwa.

 Dariusi wangutondeka kugona usiku chifukwa wafipiyanga mtima Danyele. Ndi mulenji, wanguluta ko kwenga zenji ndipu wangudana Danyele kuti: ‘Kumbi Chiuta waku wakutaska?’

Dariusi wanguvwa Danyele wachimuka kuti: ‘Mungelu waku Yehova wangujala pamilomu ya nkharamu ndipu zandipweteka cha.’ Dariusi wangukondwa ukongwa! Iyu wangulamula kuti Danyele watuziki muzenji. Danyele wangupwetekeka cha. Pavuli paki, fumu yingulamula kuti: ‘Ponyani ŵanthu wo anguchitisa kuti Danyele waponyeki muzenji.’ Ŵanthu yaŵa ŵati aponyeka muzenji, nkharamu zinguŵarya.

Dariusi wangukambiya ŵanthu dangu lakuti: ‘Weyosi watenere kopa Chiuta waku Danyele. Iyu wataska Danyele ku nkharamu.’

Kumbi upemphera kwaku Yehova zuŵa lelosi nge Danyele?

‘Yehova waziŵa kutaska ŵanthu akujipereka kwaku iyu asani ayeseka.’—2 Petro 2:9