Kumbi vakuchitika va charu ichi . . .

  • vilutirizgengi kuja viyo?

  • vinangikengi ukongwa?

  • vijengi umampha?

 VO BAYIBOLU LIKAMBA

“Chiuta . . . waleskengeku masozi ngosi ku masu ngawu, ndi nyifwa kuti yikaŵangapu so cha; chinanga nchitenje, chinanga ndi nkhuta, chinanga mburwirwi, kuti vikaŵangapu so cha: chifukwa vakudankha vo varutapu.”—Chivumbuzi 21:3, 4. New World Translation.

KUMBI MALAYIZGU NGA M’BAYIBOLU NGANGAKUWOVYANI WULI?

Ŵanthu azamukhorwa ndi nchitu zo azamugwira—Yesaya 65:21-23.

Kwazamuŵavi matenda pamwenga masuzgu ngengosi.—Yesaya 25:8; 33:24.

Tazamukondwa ndi umoyu wambula kumala ndi mabanja kweniso mabwezi ngidu.—Sumu 37:11, 29.

 KUMBI TITENERE KUGOMEZGA NADI VO BAYIBOLU LIKAMBA?

Pe vifukwa viŵi vo titenere kuchitiya viyo:

  • Chiuta we ndi nthazi zakufiskiya malayizgu ngaki. M’Bayibolu Yehova Chiuta ndiyu yija wadanika ‘Wanthazi zosi’ chifukwa nthazi zaki zambula kumala. (Chivumbuzi 15:3) Mwaviyo, ngwakunozgeka kusintha charu kuti chije chamampha ukongwa. Ivi viyanana ŵaka ndi vo Bayibolu likamba kuti, “Kwaku Chiuta vosi vamachitika.”—Mateyu 19:26.

  • Chiuta wakhumba kufiska malayizu ngaki. Mwakuyeruzgiyapu, Yehova ‘ngwakukhumbisiska’ kuziyuska ŵanthu wosi wo akufwa.—Jobu 14:14, 15.

    Bayibolu lilongo kuti Yesu, Mwana waku Chiuta, nayu wachizganga akutama. Nchifukwa wuli wachitanga viyo? Chifukwa chakuti wakhumbanga kuchita viyo. (Marko 1:40, 41) Yesu wangulongo umampha kuti Awiski mbakukhumbisiska kovya ŵanthu wo akhumbika chovyu.—Yohane 14:9.

    Mwaviyo, te akusimikiza mtima kuti Yehova ndi Yesu akhumba kutiwovya kuti tizije ndi umoyu walikondwa!—Sumu 72:12-14; 145:16; 2 Petro 3:9.

 VO MUTENERE KUJIFUMBA

Kumbi Chiuta wachisinthengi wuli charu kuti chije chamampha?

Bayibolu limuka fumbu ili pa MATEYU 6:9, 10 ndipuso DANYELE 2:44.