Julani

Lutani pa menyu yachiŵi

Akaboni aku Yehova

Chitonga (Malawi)

Kumbi Mutiliwona Wuli Bayibolo?

Kumbi Mutiliwona Wuli Bayibolo?

Kumbi muŵanaŵana kuti ndi . . .

  • buku la zeru za ŵanthu?

  • buku la nthanu?

  • Mazu ngaku Chiuta?

 VO BAYIBOLO LIKAMBA

“Lemba lelosi likukambirika ndi Chiuta.”—2 Timote 3:16, New World Translation.

KUMBI BAYIBOLO LINGAKUWOVYANI WULI?

Le ndi kwamuka kwakukhorwesa kwa mafumbu ngakusuzga ngakukwaskana ndi umoyu.—Nthanthi 2:1-5.

Le ndi ulongozgi wakovya pa umoyu widu wa zuŵa ndi zuŵa.—Sumu 119:105.

Lititiwovya kuti tije ndi chilindizga cheneku.—Ŵaroma 15:4.

 KUMBI TITENERE KUGOMEZGA NADI VO BAYIBOLO LIKAMBA?

Pe vifukwa vitatu vo titenere kuchitiya viyo:

  • Ndakukoliyana. Bayibolo likulembeka ndi ŵanthu 40 akupambanapambana ndipu linguto vyaka kujumpha 1,600 kuti limaliziki. Ndipu ŵanthu wo angulemba ŵengaku mu nyengu zakupambanapambana. Kweni Bayibolo losi ndakukoliyana pa fundu yikulu yimoza!

  • Nkhani zaki zikulembeka mwauneneska. Akulemba mabuku anandi abisa asani yiwu pamwenga mtundu wawu wathereskeka pa nkhondu. Kweni wo akulemba Bayibolo akubisa cha vo angubuda pamwenga kuthereskeka kwa mtundu wawu.—2 Mikoka 36:15, 16; Sumu 51:1-4.

  • Le ndi mauchimi ngauneneska. Bayibolo lingukambiya limu za kubwangandulika kwa msumba wa Babiloni kwati kwaja vyaka 200. (Yesaya 13:17-22) Linguzumbuwa mo msumba wo wazamubwangandulikiya pe cha, kweniso linguzumbuwa munthu yo wazamubwanganduwa!—Yesaya 45:1-3.

    Mauchimi nganandi nga m’Bayibolo ngakufiskika kali nge mo Yehova wangukambiya. Kumbi Mazu ngaku Chiuta ngatenere kuŵa viyo cha?—2 Petro 1:21.

 VO MUTENERE KUJIFUMBA

Kumbi Mazu ngaku Chiuta ngangakuwovyani wuli pa umoyu winu?

Bayibolo limuka fumbu ili pa YESAYA 48:17, 18 ndipuso pa 2 TIMOTE 3:16, 17.

Ziŵani Vinandi

UTHENGA WAMAMPHA WAKUTULIYA KWAKU CHIUTA

Kumbi Uthenga Wamampha Ukutuliya Nadi Kwaku Chiuta?

Kumbi tingasimikizga wuli kuti Bayibolu ndauneneska?