Julani

Lutani pa menyu yachiŵi

Akaboni aku Yehova

Chitonga (Malawi)

Kumbi Masuzgu Ngamalengi?

Kumbi Masuzgu Ngamalengi?

Kumbi mungamuka kuti . . .

  • hinya?

  • awa?

  • panyaki?

 VO BAYIBOLO LIKAMBA

“Chiuta . . . waleskengeku masozi ngosi ku masu ngawu, ndi nyifwa kuti yikaŵangapu so cha; chinanga nchitenje, chinanga ndi nkhuta, chinanga mburwirwi, kuti vikaŵangapu so cha: chifukwa vakudankha vo varutapu.”—Chivumbuzi 21:3, 4, Contemporary English Version.

KUMBI BAYIBOLO LINGAKUWOVYANI WULI?

Lititisimikizgiya kuti ndiyu cha yo wachitiska masuzgu ngo tikumana nangu.—Yakobe 1:13.

Tipembuzgika chifukwa tiziŵa kuti Chiuta wakwaskika ndi masuzgu ngo tikumana nangu.—Zekariya 2:8.

Te ndi chigomezgu kuti masuzgu ngosi ngazamumala.—Sumu 37:9-11.

 KUMBI TITENERE KUGOMEZGA NADI VO BAYIBOLO LIKAMBA?

Pe vifukwa viŵi vo titenere kuchitiya viyo:

  • Chiuta watinkha masuzgu ndipuso vinthu vambula urunji. Ŵanaŵaniyani mo Yehova Chiuta vingumupweteke wati wawona kuti ŵanthu ŵaki atiŵachitiya nkhaza. Bayibolo likamba kuti wangusuzgika maŵanaŵanu “chifukwa cha ŵakuŵayuzga ndi kuŵasuzga.”—Ŵeruzgi 2:18, New World Translation.

    Chiuta watinkha ukongwa ŵanthu wo apweteka anyawu. Mwakuyeruzgipu, Bayibolo likamba kuti iyu watinkha ‘manja ngakudira ndopa zambula kalema.’—Nthanthi 6:16, 17.

  • Chiuta waphwere munthu weyosi pakuyija. Mbanthu pe cha wo ‘aziŵa urwirwi wawu ndi chitima chawu’ kweniso Yehova waziŵa!—2 Mikoka 6:29, 30.

    Pambula kuswera yapa, Yehova watuzgengepu masuzgu nga munthu weyosi, mwakugwiriskiya nchitu Ufumu waki. (Mateyu 6:9, 10) Panyengu yasonu, iyu wapembuzga wosi wo atimupenja ndi mtima wosi.—Machitidu 17:27; 2 Ŵakorinte 1:3, 4.

 VO MUTENERE KUJIFUMBA

Nchifukwa wuli Chiuta wazomerezga kuti tisuzgikengi?

Bayibolo limuka fumbu ili pa ŴAROMA 5:12 ndipuso 2 PETRO 3:9.

Ziŵani Vinandi

UTHENGA WAMAMPHA WAKUTULIYA KWAKU CHIUTA

Kumbi Chiuta Wazomerezgiyanji Vinthu Viheni ndi Masuzgu?

Kumbi masuzgu ngakwamba wuli nanga nchifukwa wuli Chiuta wangazomerezga kuti ngalutiriyi mpaka sonu? Kumbi masuzgu ngazamumala?