Julani

Lutani pa vo ve mukati

 SAMBIRU 2

Kukamba Nkhani nge mo Mukambiskiyana ndi Ŵanthu

Kukamba Nkhani nge mo Mukambiskiyana ndi Ŵanthu

2 Akorinto 2:17

FUNDU ZAKUDUMUWA: Kambani nge mo mulongolore nyengu zosi kweniso mwakutuliya mumtima kuti mulongo kuti mwayivwisa nkhani yinu ndipuso kuti muŵanaŵaniya akuvwisiya.

MO MUNGACHITIYA:

  • Mupempherengi kweniso munozgekiyengi mwakukwana. Mupempherengi kuti Yehova wakuwovyeni kuŵanaŵaniya ukongwa uthenga wo we mu nkhani yinu m’malu mwakuŵanaŵaniya mo muvwiya chifukwa cha mantha. Muziŵengi fundu zikuluzikulu zo ze mu nkhani yinu. Ndipu kambani nkhani yinu kutuliya mumtima m’malu mwakuchita kuŵerenga.

  • Mukambengi kutuliya mumtima. Ŵanaŵaniyani chifukwa cho akuvwisiya akhumbika kuvwisiya uthenga winu. Ŵikani maŵanaŵanu nginu paku yiwu. Venivi vingawovya kuti mo mwamiya, majesichala kweniso chisku chinu vilongongi kuti mukamba mwaubwezi kweniso mwakufwatuka.

  • Mulereskengi akuvwisiya. Asani nkhwakuzomerezeka muchigaŵa chinu, mulereskengi akuvwisiya. Ndipu asani mukamba nkhani, mulereskengi munthu yumoza pa nyengu yimoza, m’malu mwakulereska ŵanthu anandi.