Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

“Mujisungi mu Chanju Chaku Chiuta”

Kalata Yakutuliya ku Wupu Wakulongozga

Kalata Yakutuliya ku Wupu Wakulongozga

Akwanjiwa ateŵeti aku Yehova:

Yesu wangukamba kuti: “Muziŵengi uneneska, ndipu uneneska wo usanduskengi imwi ŵanangwa.” (Yohane 8:32) Mazu yanga ngakuchiska ukongwa. Tingaziŵa uneneska chinanga kuti te m’nyengu zizitu za “mazuŵa ngakumaliya” ngo vinthu vaboza vawanda ukongwa. (2 Timote 3:1) Kumbi mukumbuka nyengu yo mungwambiya kuziŵa uneneska wa m’Mazu ngaku Chiuta? Kukamba uneneska, yenga nyengu yakukondweska ukongwa!

Mwaviyo, titenere kulutirizga kusambira uneneska ndipuso nyengu zosi tikambiyengeku ŵanthu vo tiziŵa kweniso tichitengi vinthu mwakukoliyana ndi vo tisambira. Kuti tichiti venivi, tikhumbika kujisunga m’chanju chaku Chiuta. Kumbi munthu wangachitanji kuti walutirizgi kujisunga m’chanju chaku Chiuta? Vo Yesu wangukamba usiku wakuti wafwengi mawa, vimuka fumbu lenili. Iyu wangukambiya akutumika ŵaki akugomezgeka kuti: “Asani musunga marangu ngangu, mujaliriyengi mu chanju changu; nge ndimo ini ndasungiya marangu nga Ada, ndipu ndijaliriya mu chanju chawu.”Yohane 15:10.

Wonani kuti Yesu wangulutirizga kuja m’chanju chaku Chiuta chifukwa wasunganga marangu nga Awiski. Ivi ndivu nasi titenere kuchita. Tikhumbika kugwiriskiya nchitu vo tisambira nyengu zosi kuti tilutirizgi kuja m’chanju chaku Chiuta. Pa usiku wakumaliya wenuwu, Yesu wangukamba so kuti: “Asani muziŵa venivi, mwe amwaŵi asani mutivichita.”Yohane 13:17.

Te ndi chigomezgu chosi kuti buku ili likuwovyeningi kuti mulutirizgi kugwiriskiya nchitu fundu zawuneneska pa umoyu winu ndipu kuchita viyo kukuwovyeningi kuti “mujisungi mu chanju chaku Chiuta, ndi kulereze . . . umoyu wamuyaya.”Yuda 21.

Wupu Wakulongozga wa Akaboni aku Yehova