Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Buku Langu la Nkhani za m’Bayibolo

Nkhani 115: Paradayisu Mufya Pacharu Chapasi

Nkhani 115: Paradayisu Mufya Pacharu Chapasi

AWONA vimiti vitalivitali, maluŵa ngakutowa kweniso mapiri ngatalingatali. Kumbi chithuthuzi ichi n’chakutowa cha? Awona mo pulu yo waryiya pajanja la mnyamata yo. Awona so mahachi ndi nkharamu pauteka po. Kumbi iwi ungayanja kuja pa malu nge yanga?

Chiuta wakhumba kuti iwi uzije ndi umoyu wamuyaya m’paradayisu pacharu chapasi. Ndipu wakhumba cha kuti iwi uzitamengi pamwenga kuvwa kuŵaŵa kwekosi ko ŵanthu asuzgika naku mazuŵa nganu. Bayibolo lilayizga ŵanthu wo azamuja m’paradayisu mufya kuti: ‘Chiuta wazamuja nawu. Kwazamuŵavi nyifwa, kuliya pamwenga vakuŵaŵa. Vinthu vakali vakapu.’

Yesu wazamuwoneskeska kuti vinthu vakukondweska ivi vizichitiki nadi. Kumbi uziŵa kuti vazamuchitika zukwanji? Ivi vazamuchitika asani iyu wazituzgapu vinthu vosi viheni pacharu kweniso ŵanthu aheni. Kumbuka kuti panyengu yo Yesu wenga pacharu, iyu wanguchizga ŵanthu wo ŵenga ndi matenda ngakupambanapambana ndipuso chinanga nkhuyuska ŵanthu akufwa. Yesu wanguchita ivi kuti walongo vo wazamuchita pacharu chosi chapasi asani wazija Fumu ya ufumu waku Chiuta.

Kumbi wawona sonu umoyu mo wazamujaliya m’paradayisu mufya panu pacharu? Yesu pamoza ndi anyaki wo iyu wasankha, azamuwusa kuchanya. Mafumu yanga ngazamuphwere munthu weyosi pacharu ndipu ngazamuwoneseska kuti weyosi ngwakukondwa. Tiyi tiwoni vo titenere kuchita kuti Chiuta wazitipaski umoyu m’paradayisu mufya.

Chivumbuzi 21:3, 4; 5:9, 10; 14:1-3.

Chithuzi cha paradayisu


Mafumbu

  • Kumbi ndi vinthu wuli vo Bayibolo likamba kuti tazamukondwa navu mu Paradayisu pacharu chapasi?
  • Kumbi Bayibolo litiŵalayizganji ŵanthu wo azamuja ndi umoyu mu Paradayisu?
  • Kumbi ndi zuŵanji po Yesu wazamuwoneseska kuti kusintha kwakukondweska kwenuku kwachitika?
  • Panyengu yo Yesu wenga pacharu chapasi, kumbi iyu wanguchitanji kulongo vo wazamuchita panyengu yo wazamuja Fumu ya Ufumu waku Chiuta?
  • Kumbi Yesu ndi anyaki wo wazamuwusa nawu limoza kuchanya, azamuwoneseskanji panyengu yo azamuwusiya charu chapasi ŵe kuchanya?

Mafumbu ngakusazgiyapu

  • Ŵerenga Chivumbuzi 5:9, 10.

    Nchifukwa wuli tingaŵa ndi chigomezgu kuti wo azamuwusa charu mu muwusu wa Vyaka 1000, azauja mafumu ndi asembi akovya ŵanthu kweniso alisungu? (Ŵaefe. 4:20-24; 1 Pet. 1:7; 3:8; 5:6-10)

  • Ŵerenga Chivumbuzi 14:1-3.

    Kumbi kulembeka kwa zina la Awiski ndi zina la mwana wa Mbereri pa visku va a 144,000 kung’anamuwanji? (1 Ŵako. 3:23; 2 Timo. 2:19; Chivu. 3:12)