Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Buku Langu la Nkhani za m’Bayibolo

Chigaŵa 6: Kuwa Kwaku Yesu Kuzifika Panyengu yo Wangufwiya

Chigaŵa 6: Kuwa Kwaku Yesu Kuzifika Panyengu yo Wangufwiya

M’ngelu Gabriele wangutumika kuti waluti kwa msungwana wankharu yamampha Mariya. Iyu wangumukambiya kuti wazamubala mwana yo wazamuwusa nge fumu yamuyaya. Mwana yo wenga Yesu, iyu wanguwiya m’khola ndipu aliska anguluta kuchimuwona. Pavuli paki, nyenyezi yingulongozga ŵanthu, kutuwa ku Vuma kuluta kuchiwona mwana yo. Tiziŵengi yo wanguŵachitiska kuti awoni nyenyezi ndi mo Yesu wangupozomoke ku ŵanthu wo akhumbanga kumubaya.

Pavuli paki, tisambirengi zaku Yesu wachikambiskana ndi asambizi m’nyumba yakusopiyamu panyengu yo wenga ndi vyaka 12. Pati pajumpha vyaka 18, Yesu wangubatizika ndipu wangwamba nchitu ya kupharazga za Ufumu ndi kusambiza, yo Chiuta wangumutuma kuzichita pacharu. Yesu wangusankha anthurumi 12 kuti amuwovyi nchitu iyi ndipu wanguŵaŵika kuja akutumika ŵaki.

Yesu wanguchita so vakuziziswa vinandi. Iyu wanguryisa ŵanthu masawuzandi nganandi ndi somba zimanavi kweniso viŵandi vimanavi va mkati. Wanguchizga akutama ndi kuyuska akufwa. Pakumaliya, tisambirengi vinthu vinandi vo vinguchitikiya Yesu we pafupi kufwa ndi mo wangubayikiya. Yesu wangupharazga kwa vyaka pafupifupi vitatu ndi myezi 6. CHIGAŴA 6 chikonkhoska vinthu vo vinguchitika kwa vyaka vakujumpha 34.

Yesu wasambiza

Ziŵani Vinandi

UTHENGA WAMAMPHA WAKUTULIYA KWAKU CHIUTA

Kumbi Yesu Khristu Ndiyani?

Ziŵani chifukwa cho Yesu wangufwiya, vo uwombozi ung’anamuwa ndipuso vo Yesu wachita sonu.