Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Buku Langu la Nkhani za m’Bayibolo

Nkhani 12: Ŵanthu Azenga Chinyumba Chitali

Nkhani 12: Ŵanthu Azenga Chinyumba Chitali

VYAKA vinandi vati vajumpha, ŵana aku Nowa angubala ŵana anandi. Ndipu azuku aku Nowa nawuso angubala ŵana. Ndipu ŵanthu angwandana liŵi pacharu chapasi.

Yumoza wa ŵanthu yaŵa wenga Nimirode mzuku chivu waku Nowa. Iyu wenga munthu muheni ukongwa, chifukwa wabayanga nyama ndi ŵanthu viyo. Nimirode wangujipanga yija kuja fumu kuti wawusengi ŵanthu. Kweni Chiuta wangukondwa nayu cha Nimirode.

Yumoza wa ŵanthu yaŵa wenga Nimirode mzuku chivu waku Nowa. Iyu wenga munthu muheni ukongwa, chifukwa wabayanga nyama ndi ŵanthu viyo. Nimirode wangujipanga yija kuja fumu kuti wawusengi ŵanthu. Kweni Chiuta wangukondwa nayu cha Nimirode.

Yehova Chiuta wangukondwa cha ndi kuzengeka kwa chinyumba ichi. Khumbu laki lenga lakuti ŵanthu wosi angajanga pamoza pe cha, kweni kuti azazi charu chosi. Kweni ŵanthu anguti: ‘Tiyeni tizengi msumba ndipuso chinyumba chitali chifiki ku mtambu, ndipu titchukengi.’ Ŵanthu yaŵa akhumbanga cha kutumbika Chiuta, yiwu akhumbanga kujitumbika.

Mwaviyo, Chiuta wanguŵachitiska kuti aleki kuzenga chinyumba ichi. Kumbi Chiuta wanguchita wuli? Mwamabuchibuchi, iyu wanguŵatimbanyiza ŵanthu wo, m’malu mwakuti alongorongi chineneru chimoza angwamba kulongoro vineneru vakupambanapambana. Ndipu ŵanthu wo azenganga angutimbanyizika, weyosi wavwanga cha vo munyaki wakambanga. Ndichu chifukwa chaki msumba wawu ungudanika kuti Babele, pamwenga kuti Babeloni, kung’anamuwa “Chitimbanyizi.”

Sonu ŵanthu wo, angwamba kutuwaku ku Babele. Wo alongoronga chineneru chimoza anguluta kuchija limoza kuchigaŵa chinyaki cha charu.

Chiyambo 10:1, 8-10; 11:1-9.

Ŵanthu amanga chinyumba chikulu


Mafumbu

  • Kumbi Nimirode wenga yani, ndipu kumbi Chiuta wamuwonanga wuli?
  • Kumbi nchifukwa wuli ŵanthu ŵe pachithuthuzi yapa awumba ncherwa?
  • Kumbi nchifukwa wuli Yehova wangukondwa nayu cha nchitu yakuzenga?
  • Kumbi Chiuta wanguchita wuli kuti walekeski nchitu yakuzenga chinyumba chitali?
  • Kumbi msumba wo wadanikanga kuti wuli, ndipu zina ili lang’anamuwanganji?
  • Kumbi nchinthu wuli chinguchitikiya ŵanthu Chiuta wati watimbanyizga chineneru chawu?

Mafumbu ngakusazgiyapu

  • Ŵerenga Chiyambo 10:1, 8-10.

    Kumbi Nimirode wangulongo mijalidu wuli, ndipu ivi vitititcheŵeskanji? (Ntha. 3:31)

  • Ŵerenga Chiyambo 11:1-9.

    Kumbi ŵanthu anguzenga chinyumba chitali ndi chilatu wuli, ndipu nchifukwa wuli nchitu iyi yingutondeka kulutiliya? (Chiya. 11:4; Ntha. 16:18; Yoha. 5:44)