Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Buku Langu la Nkhani za m’Bayibolo

Nkhani 11: Chiŵingavuwa Chakwamba

Nkhani 11: Chiŵingavuwa Chakwamba

KUMBI utichiziŵa chinthu chakwamba cho Nowa wanguchita, iyu ndi banja laki ŵati atuwa m’chingaraŵa? Iyu wangupereka sembi kwaku Chiuta. Ukhoza kuwona mo wangupereke sembi iyi pachithuthuzi ichi. Nowa wangupereka sembi ya nyama pakuwonga Chiuta chifukwa cha kupozomoska banja laki panyengu ya zandi.

Chingaraŵa ndi chiŵingavuwa

Kumbi uŵanaŵana kuti Yehova wangukondwa ndi sembi yaku Nowa? Ee, wangukondwa nayu. Mwaviyo, wangulayizga Nowa kuti wazakuchinanga so cha charu ndi maji nga zandi.

Charu chati chakamuka, Nowa ndi banja laki angutuwa m’chingaraŵa, ndipu angwamba kuzenga nyumba ndi kulima. Chiuta wanguŵatumbika ndipu wanguti: ‘Mubalani, mwandane ndipu muzazi charu chosi chapasi.’

Kweni ŵanthu atingi azichitengi mantha kuvwa kuti kwenga zandi mukulu ndipu atingi aŵanaŵanengi kuti panyaki wazengi so. Mwaviyo, Chiuta wanguŵika chinthu chinyaki kuti chiŵakumbuskengi phanganu laki lakuti, wazamunanga so cha charu chosi ndi maji. Kumbi utichiziŵa chinthu cho wanguŵika? Chenga chiŵingavuwa.

Nowa ndi banja laki

Nyengu zinandi chiŵingavuwa chiwoneka asani vuwa yakata ndipuso asani lumwi layamba kuŵala. Chiŵingavuwa chendi mitundu yinandi yakutowa. Kumbi iwi ukuchiwonapu chiŵingavuwa? Kumbi utichiwona cho che pachithuthuzi ichi?

Chiuta wangukamba kuti: ‘Ndilayizga kuti ndazamunanga so cha ŵanthu wosi pamoza ndi nyama ndi maji nga zandi. Ndiŵika chiŵingavuwa changu mu mtambu. Asani chiŵingavuwa chiwoneka mu mtambu, ndikumbukengi phanganu langu.’

Kumbi asani uwona chiŵingavuwa, chitenere kukukumbuskani chinthu wuli? Chitenere kukukumbuska vo Chiuta wakulayizga, kuti wazamunanga so cha charu ndi zandi mukulu.

Chiiyambo 8:18-22; 9:9-17.



Mafumbu

  • Nge mo uwone pachithuthuzi, kumbi Nowa wanguchitanji wati watuwa waka m’chingaraŵa?
  • Kumbi Chiuta wangupereka dangu wuli kwaku Nowa ndi banja laki, Zandi wati wamala?
  • Kumbi Chiuta wangulayizganji?
  • Kumbi asani tiwona chiŵingavuwa, chitenele kutikumbuskanji?

Mafumbu ngakusazgiyapu

  • Ŵerenga Chiyambo 8:18-22.

    Kumbi mazuŵa nganu tingamupaska wuli Yehova “fungu lakukondweska”? (Chiya. 8:21; Ŵahe. 13:15, 16)

    Kumbi Yehova wanguwonanji mu mtima wa munthu, nanga ivi vitititcheŵeska kuti titenere kuchitanji? (Chiya. 8:21; Mate. 15:18, 19)

  • Ŵerenga Chiyambo 9:9-17.

    Kumbi Yehova wangupanga phanganu wuli ndi vakulengeka vosi va pacharu? (Chiya. 9:10, 11)

    Kumbi phanganu la chiŵingavuwa ligwirengi nchitu mpaka zuŵanji? (Chiya. 9:16)