Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Kumbi Bayibolo Lisambizanji Weniukongwa?

 FUNDU ZAKUKUMALIYA

Kumbi Shelo ndi Hadesi ndi Vinthu Wuli?

Kumbi Shelo ndi Hadesi ndi Vinthu Wuli?

BAYIBOLO ligwiriskiya nchitu mazu ngachihebere ngakuti sheʼohl ndi mazu ngachigiriki ngakukozgana nangu ngakuti haiʹdes, maulendu ngakujumpha 70, mu vinenedu vaki vakwamba. Mazu ngosi ngaŵi yanga ngakamba za nyifwa. M’ma Bayibolo nganyaki mazu yanga akungafwatuliya kuti “muunda,” “helu,” pamwenga “zenji.” Kweni mu vinenedu vinandi mulivi mazu ngo ngang’anamuliya mwakukwana mazu ngachiheberi ndi ngachigiriki yanga. Bayibolo la New World Translation, ligwiriskiya nchitu mazu ngakuti “Shelo” ndi “Hadesi.” Kumbi mazu yanga ngang’anamuwanji? Tiyeni tiwoni mo ngagwiriskikiya nchitu mu vigaŵa vakupambanapambana va Bayibolo.

Lemba la Wakutaula 9:10 likamba kuti: “Kulivi nchitu pamwenga maŵanaŵanu pamwenga kuziŵa pamwenga vinjeru mu muunda mwenimo ukarutanga.” Kumbi ivi ving’anamuwa kuti Shelo wakamba va muunda unyaki pamwenga umoza wo tikuŵikamu akwanjiwa ŵidu? Awa. Asani Bayibolo likamba va muunda unyaki, ligwiriskiya nchitu mazu nganyaki ngachihebere ndi Chigiriki, m’malu mwa mazu ngakuti sheʼohlʹ ndi haiʹdes. (Chiyambo 23:7-9; Mateyu 28:1) Kweniso Bayibolo ligwiriskiya cha nchitu mazu ngakuti “Shelo” kung’anamuwa muunda wo ŵanthu anandi aŵikikamu pamoza, nge muunda wa banja losi pamwenga chimuunda cha ŵanthu anandi.Chiyambo 49:30, 31.

Kumbi mazu ngakuti “Shelo” ngakamba za vinthu wuli? Mazu ngaku Chiuta ngalongo kuti mazu ngakuti “Shelo,” pamwenga “Hadesi,” ngakamba za chinthu chinyaki chikulu ukongwa kuruska muunda wa ŵanthu anandi. Mwakuyeruzgiyapu, Lemba la Yesaya 5:14 NW, likamba kuti “masanu ngakuzga malu ngaki ndipu ngajula ukongwa mulomu waki kujumpha mphaka yaki.” Chinanga kuti Shelo wameza kali ŵanthu ambula kuŵerengeka, kweni wawoneka kuti wechendaguti mbwenu. (Nthanthi 30:15, 16) Mwakupambana ndi masanu ngenechu ngo ngangakwana ŵanthu amanavi waka, “Shelo ndi malu nga pharanyiku viguta cha.” (Nthanthi 27:20 NW) Shelo wazaza cha ndipu walivi mphaka. Mwaviyo, Shelo pamwenga Hadesi ndi malu ngenechu cha.  Kweni ngamiya masanu nga ŵanthu wosi, pamwenga kuti malu ngo mtundu wa ŵanthu ugonaku mu nyifwa.

Vo Bayibolo lisambiza vakukwaskana ndi chiyuka vititiwovya kuti tiziŵi vinandi vo mazu ngakuti “Shelo” ndi “Hadesi” ngang’anamuwa. Mazu ngaku Chiuta ngalongo kuti akufwa wo ŵe mu Shelo ndi Hadesi mbeniwo azamuyuskika. * (Jobu 14:13; Machitidu 2:31; Chivumbuzi 20:13) Mazu ngaku Chiuta ngalongo so kuti ŵanthu wo ŵe mu Shelo pamwenga kuti Hadesi, mbeniwo ateŵete Yehova pe cha kweni asazgapu ŵanthu anandi wo akuleka kumuteŵete. (Chiyambo 37:35; Sumu 55:15) Mwaviyo, Bayibolo lisambiza kuti kwazamuja “chiyuka cha ŵarunji ndi ŵaziraurunji.”Machitidu 24:15.

^ ndimi 4 Kweni akufwa wo azamuleka kuyuskika ŵe mu Shelo pamwenga mu Hadesi cha, kweni ŵe “mu Gehena.” (Mateyu 5:30; 10:28; 23:33) Gehena nayu ndi malu chayinguchayingu cha nge mo waliri Shelo ndi Hadesi.