Julani

Lutani pa menyu yachiŵi

Akaboni aku Yehova

Chitonga (Malawi)

Kumbi Ntchinthu Wuli cho Chingawovya Kuti Banja Lije Lakukondwa?

Kumbi Ntchinthu Wuli cho Chingawovya Kuti Banja Lije Lakukondwa?

Kumbi muŵanaŵana kuti ndi . . .

  • chanju?

  • ndalama?

  • pe so chinthu chinyaki?

 VO BAYIBOLU LIKAMBA

“Mbamwaŵi wo atuvwa mazu ngaku Chiuta ndi kungasunga!”—Luka 11:28, New World Translation

BAYIBOLU LINGAKUWOVYANI

Kuti muyanjanengi ukongwa.—Ŵaefeso 5:28, 29.

Mutumbikanengi.—Ŵaefeso 5:33.

Muje akuvikilirika.—Marko 10:6-9.

 KUMBI TITENERE KUGOMEZA NADI VO BAYIBOLU LIKAMBA?

Pe vifukwa viŵi vo titenere kuchitiya viyo:

  • Chiuta ndiyu Wakwambiska banja. Bayibolu likamba kuti, “Ŵanambumba wosi . . . ŵadanika zina.” (Ŵaefeso 3:14, 15) M’nthowa yinyaki tingakamba kuti Yehova ndiyu wakuchitiska kuti mabanja ngaŵeku. Nchifukwa wuli kuziŵa fundu iyi nkhwakukhumbika ukongwa?

    Ŵanaŵaniyani chakuyeruzgiyapu ichi: Asani mwarya chakurya chakunowa ndipu mukhumba kuti muziŵi vo vachitiska kuti chinowi viyo, kumbi mungafumba yani? Viwoneke limu kuti mufumbengi yo wabika.

    Mwakuyanana ŵaka, kuti tiziŵi vo vingachitiska kuti banja lijengi lakukondwa, tingachita umampha kulereska kwaku Yehova yo Wakwambiska banja.—Chiyambo 2:18-24.

  • Chiuta watikuphweriyani. Mabanja ngazeru ngapenja ulongozgi waku Yehova wo wapereka kuziya M’mazu ngaki. Chifukwa wuli? “Pakuti waphwere imwi.” (1 Petro 5:6, 7) Yehova watikuŵanaŵaniyani ukongwa ndipu ulongozgi waki uja wakovya nyengu zosi!—Nthanthi 3:5, 6; Yesaya 48:17, 18.

 VO MUTENERE KUJIFUMBA

Kumbi mungachita wuli kuti muje munthurumi, munthukazi pamwenga mupapi wamampha?

Bayibolu limuka fumbu ili pa ŴAEFESO 5:1, 2 ndipuso ŴAKOLOSE 3:18-21.

Ziŵani Vinandi

MABUKU & TIMABUKU

Banja Linu Likhoza Kuja Lalikondwa

Kugwiriskiya ntchitu fundu za m’Bayibolu kungakuwovyani kuti muje ndi banja lalikondwa.