Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Kabuku ka Unganu wa Umoyu Widu Wachikhristu Ndipuso Uteŵeti  |  October 2017

 TICHITENGI VINTHU NGE AKHRISTU

Mutumbikengi Yehova!

Mutumbikengi Yehova!

Umoyu ndi mphasu yakuzirwa ukongwa. Tingalongo kuti tiwonga mphasu yeniyi malinga ndi mo titiyigwirisiya ntchitu. Isi Akaboni aku Yehova tiyesesa kugwirisiya ntchitu nthazi kweniso malusu ngo tenangu kuti titumbikengi ukongwa Yehova, yo wakutipasa umoyu. (Sumu 36:9; Chiv. 4:11) Kweni vinthu vo vititifipisa mtima zuŵa lelosi mucharu chakusuzga ichi, vingatiweze vuli mwauzimu. (Marko 4:18, 19) Weyosi watenere kujifumba kuti: ‘Kumbi ini nditimupasa nadi vinthu vamampha ukongwa Yehova? (Hos. 14:2) Kumbi ntchitu yangu yikwasa wuli ubwezi wangu ndi Yehova? Kumbi nde ndi vilatu wuli vauzimu? Kumbi ndingasazgiyaku wuli uteŵeti wangu?’ Asani muwona kuti mungafiska kusazgiyaku uteŵeti, pemphani Yehova kuti wakuwovyeni ndipu mungasintha vinthu vinyaki pa umoyu winu. Kukamba uneneska, kutumbika Yehova zuŵa lelosi kungakuwovyani kuti mukondwengi kweniso mukhorwengi ndi vo mwenavu.—Sumu 61:8.

Kumbi muteŵete yani ndi lusu linu?

WONERIYANI VIDIYO YAKUTI TEŴETIYANI YEHOVA NDI LUSU LINU, PAVULI PAKI MUKANI MAFUMBU YANGA:

  • Ntchifukwa wuli tikhumbika kugwirisiya ntchitu malusu ngidu mwazeru mucharu chaku Satana ichi? (1 Yoh. 2:17)

  • Kumbi ŵanthu wo apereka vinthu vamampha kwaku Yehova atumbikika wuli?

  • Kumbi lusu linu mungaligwirisiya ntchitu pa uteŵeti wakupaturika nuwu?